ଭୋପାଳ: ଆଜି ନାଗପଞ୍ଚମୀ। ଏହି ଅବସରରେ ମଧ୍ୟପ୍ରଦେଶର କଂଗ୍ରେସ ନେତା ଅରୁଣ ଯାଦବ ସୋଶାଲ ମିଡିଆରେ ଟ୍ୱିଟ୍ କରି ଶୁଭେଚ୍ଛା ଜଣାଇଛନ୍ତି। ହେଲେ ଶୁଭେଚ୍ଛା ବାର୍ତ୍ତାରେ ଗୋଟିଏ ବ୍ୟତିକ୍ରମ ଦେଖିବାକୁ ମିିଳିଛି। କାରଣ ଶୁଭେଚ୍ଛା ବାର୍ତ୍ତା ଫଟୋଟି ବିଜେପି ସାଂସଦ ଜ୍ୟୋତିରାଦିତ୍ୟ ସିନ୍ଧିଆଙ୍କର। ଅରୁଣ ଯାଦବ ମଧ୍ୟପ୍ରଦେଶ କଂଗ୍ରେସର ସଭାପତି ଏପ୍ରିଲ ୨୦୧୮ ଯାଏ ଥିଲେ। ଏହାପରେ ମଧ୍ୟପ୍ରଦେଶ କଂଗ୍ରେସର ସଭାପତି ହୋଇଥିଲେ କମଲନାଥ।
https://twitter.com/MPArunYadav/status/1286882373527834625
ସୂଚନାଯୋଗ୍ୟ, ଜ୍ୟୋତିରାଦିତ୍ୟ ସିନ୍ଧିଆ ବିଜେପିରେ ଯୋଗ ଦେବା ପରେ କଂଗ୍ରେସ ବାରମ୍ବାର ତାଙ୍କୁ ସମାଲୋଚନା କରି ଚାଲିଛି। ସିନ୍ଧିଆ ଜଣେ ସୁବିଧାବାଦୀ, ବିଶ୍ୱାସଘାତକ ରାଜନେତା ଭାବରେ କଂଗ୍ରେସ ଚିତ୍ରିତ କରୁଛି। ତେବେ ଅରୁଣ ଯାଦବଙ୍କ ଏହି ଟ୍ୱିଟ୍ ସୋଶାଲ ମିଡିଆରେ ଧ୍ୟାନ ଆକର୍ଷଣ କରିଛି।