କ୍ୟାମେରାରେ କଏଦ ହେଲା ମୃତ୍ୟୁର ଦୃଶ୍ୟ। ମରିବା ପୂର୍ବରୁ ଛାଡ଼ି ଦେଇଗଲେ ନିଜ ମୃତ୍ୟୁର ସ୍ମୃତି। ଦୁନିଆ ସିନା ଛାଡ଼ିଦେଲେ ହେଲେ ତାଙ୍କ ଫଟୋ ତାଙ୍କୁ ଜୀବିତ ରଖିଛି। ଯାହାକୁ ଆଜି ସାରା ଦୁନିଆ ଦେଖୁଛି।
ଆମେରିକାର ୨୨ ବର୍ଷିୟ ହିଲଦା କ୍ଲାଇଟନ୍ଙ୍କ କଥା। ଆମେରିକା ସୈନ୍ୟ ବିଭାଗରେ ଟ୍ରେନି ଫଟୋ ସାମ୍ବାଦିକ ଭାବେ କାର୍ଯ୍ୟ କରୁଥିଲେ ଏହି ଦୁଃସାହସୀ ଯୁବତୀ। ୨ ଜୁଲାଇ ୨୦୧୩ରେ ମୃତ୍ୟୁର କାଳଫାଶରେ ବାନ୍ଧି ହୋଇଯାଇଥିଲେ ହିଲ୍ଦା। ଆଫଗାନିସ୍ତାନର ଲଘମାନ୍ରେ ଚାଲିଥିବା ଏକ ଟ୍ରେନିଂ ସେସନ୍ରେ ୪ ଆଫଗାନ ସୈନିକଙ୍କ ସହ ମୋର୍ଟାର ବିସ୍ପୋରଣର ଫଟୋ ଉଠାଇବାରେ ବ୍ୟସ୍ତ ଥିଲେ ହିଲ୍ଦା। ମାତ୍ର ସେହି ମୋର୍ଟାର ବିସ୍ପୋରଣରେ ଚାଲି ଯାଇଥିଲା ୫ ଜଣଙ୍କ ଜୀବନ। ବିସ୍ପୋରଣର ନିଆଁରେ ଜଳି ପୋଡି ପାଉଁସ ହେଇଯାଇଥିଲା ହିଲଦାର ସ୍ୱପ୍ନ। ତେବେ ହିଲଦା ସୁଟିଂ କରୁଥିବା କ୍ୟାମେରାରେ କଏଦ୍ ହୋଇଥିଲା ମୃତ୍ୟୁର କରାଳ ରୂପ।