ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପାରାଦୀପ (ଏନ୍‌.ଏମ୍‌.ବୈଶାଖୀ): ଜଗତସିଂହପୁର ଜିଲ୍ଲା କୁଜଙ୍ଗ ବ୍ଲକ୍ ଅନ୍ତର୍ଗତ ମଙ୍ଗରାଜପୁର ଗାଁର ପାଇକସାହି ଅଞ୍ଚଳରେ ଆଜି ୭ଟିରୁ ଅଧିକ ସାପ ଛୁଆ ଉଦ୍ଧାର କରାଯାଇଛି। ସିନ୍ଧୁ ରାଉତଙ୍କ ଘରୁ ଏହି ସାପଗୁଡ଼ିକୁ ଉଦ୍ଧାର କରାଯାଇଛି। ଏଥିରୁ ୪ଟି ସାପ ମରିଯାଇଥିବା ବେଳେ ୩ଟି ଜୀବିତ ଅଛନ୍ତି। ସାପଗୁଡ଼ିକ କେଉଁ ପ୍ରଜାତିର ସ୍ପଷ୍ଟ ହୋଇନାହିଁ।</p> <p>ସିନ୍ଧୁଙ୍କ ଘରେ ପ୍ରଥମେ ଗୋଟିଏ ସାପ ଛୁଆ ବୁଲୁ ଥିବା ଘର ଲୋକେ ଦେଖିବାକୁ ପାଇଥିଲେ। ଘର ଲୋକେ ସାପଟିକୁ ବାଡ଼େଇ ମାରି ଦେଲେ। ଏହା ପରେ ଆଉ ଦୁଇଟି ସାପ ଛୁଆ ବାହାରି ଥିଲେ। ପରେ ଖୋଜାଖୋଜି କରିବା ପରେ ଅନ୍ୟ ସାପଗୁଡ଼ିକୁ ଠାବ କରାଯାଇଥିଲା। ଗୋଟେ ଘରୁ ଏତେ ସାପ ବାହାରିବା ପରେ ଗାଁ ଲୋକେ ଆତଙ୍କିତ ହୋଇପଡ଼ିଛନ୍ତି। ଏହାର ପ୍ରତିକାର ବ୍ୟବସ୍ଥା କରିବାକୁ ଗାଁ ଲୋକେ ଦାବି କରିଛନ୍ତି।</p> <p><span style="color: #ff0000;">ଠାକୁର ଘରେ ୩ ନାଗସାପ</span></p> <p>କଟକ ଜିଲ୍ଲା ମାହାଙ୍ଗା ବ୍ଲକ କାଳିଅଣ୍ଟି ଗାଁରୁ ୩ଟି ନାଗସାପ ଉଦ୍ଧାର କରାଯାଇଛି। ଗାଁରେ ଥିବା ଭାଗବତ ଗାଦି ଠାକୁର ଘରୁ ୩ଟି ନାଗସାପ ଉଦ୍ଧାର କରାଯାଇଛି। ଅଧିକ ସାପ ଥିବା ସନ୍ଦେହରେ ସ୍ନେକ୍ ହେଲ୍‌ପ ଲାଇନ୍‌ର ସହାୟତା ଲୋଡ଼ାଯାଇଛି।</p> <p>ଗତ କିଛି ଦିନ ହେବ ରାଜ୍ୟର ବିଭିନ୍ନ ସ୍ଥାନରୁ ଏମିତି ସାପ ଉଦ୍ଧାର କରାଯାଉଛି। କେବଳ ଭଦ୍ରକର ଏକ ଗାଁରୁ ଗୋଟିଏ ଘରୁ ପ୍ରାୟ ୧୩୦ଟି ନାଗ ସାପ ଉଦ୍ଧାର କରାଯାଇଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
