ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କଳାହାଣ୍ଡି, (ଓଡିଶା ରିପୋର୍ଟର): କଳାହାଣ୍ଡି ଜୁନାଗଡରେ ଯୁବତୀଙ୍କୁ ମଦ ପିଆଇ ଦୁଷ୍କର୍ମ ଓ ଭିଡିଓ ଭାଇରାଲ ଘଟଣାରେ ୩ ଅଭିଯୁକ୍ତ ଗିରଫ ହୋଇଛନ୍ତି। ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି କଳାହାଣ୍ଡି ଏସପି ଏମ୍. ସନ୍ଦିପ ସମ୍ପଦ। ଅଭିଯୁକ୍ତମାନେ ହେଲେ ଚିତ୍ତରଂଜନ ଗୁରୁ, ମୁକୁନ୍ଦ ଗୁରୁ ଓ ସୁଶାନ୍ତ ପ୍ରଧାନୀ। ଆଜି ସମସ୍ତ ଅଭିଯୁକ୍ତଙ୍କୁ କୋର୍ଟ ଚଲାଣ କରାଯାଇଛି।</p> <p>ଗତ ୩୧ ତାରିଖ ସନ୍ଧ୍ୟାରେ ସମ୍ପୃକ୍ତ ଯୁବତୀ ଜଣଙ୍କ ଜୁନାଗଡ ସହର ଶିବ ସାଗର ପଡାଠାରେ ଥିବା ଶନି ମନ୍ଦିରକୁ ପୂଜା କରିବାକୁ ଯାଇ ଘରକୁ ଫେରୁଥିଲେ। ଏହି ସମୟରେ ଭତ୍ରାଗୁଡା ଗ୍ରାମର ଚିତ୍ତରଞ୍ଜନ ଗୁରୁ ତାଙ୍କ ସହଯୋଗୀ ମୁକୁନ୍ଦ ଓ ସୁଶାନ୍ତ ତାଙ୍କ ପାଟି ବନ୍ଦ କରି ଜୋରଜବରଦସ୍ତ ଗୋଟିଏ ବାଇକରେ ବସାଇ ଭତ୍ରାଗୁଡାଠାରେ ଥିବା ପିଜୁଳି ବଗିଚାକୁ ଟେକି ନେଇଥିଲେ। ସେଠାରେ ଚିତ୍ତରଞ୍ଜନ ତାଙ୍କୁ ଜୋର ଜବରଦସ୍ତ ମଦ ପିଆଇ ବଳାତ୍କାର କରିଥିଲେ।</p> <p>ସମ୍ପୃକ୍ତ ଯୁବତୀ ପ୍ରତିବାଦ କରିବାରୁ ଅଭିଯୁକ୍ତମାନେ ତାଙ୍କୁ ପ୍ରବଳ ମାଡ଼ ମାରି ନଗ୍ନ କରି ଭିଡିଓ ଶୁଟିଙ୍ଗ୍‌ କରିଥିଲେ। ଏହି ଘଟଣା କାହାକୁ କହିଲେ ଜୀବନରୁ ମାରିଦେବେ ବୋଲି ସେମାନେ ଯୁବତୀଙ୍କୁ ଧମକ ଦେଇଥିଲେ। ଦୁଷ୍କର୍ମ ପରେ ସମ୍ପୃକ୍ତ ଯୁବତୀଙ୍କ ଭିଡ଼ିଓ ଭାଇରାଲ କରିଥିଲେ ଅଭିଯୁକ୍ତ। ପ୍ରଥମେ ଲୋକଲଜ୍ଜା ଭୟରେ ଯୁବତୀ ଜଣଙ୍କ ଥାନାରେ ଅଭିଯୋଗ କରି ନ ଥିଲେ। କିନ୍ତୁ ପରେ ଭିଡିଓ ଭାଇରାଲ ପରେ ଯୁବତୀଙ୍କ ପରିବାର ଲୋକେ ଜୁନାଗଡ ଥାନାରେ ଅଭିଯୋଗ କରିଥିଲେ। ଜୁନାଗଡ଼ ପୋଲିସ ଘଟଣାର ତଦନ୍ତ କରି ତିନି ଜଣଙ୍କୁ ଗିରଫ କରିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
