ଅପରାଧୀଙ୍କୁ ସୁଧାରିବାକୁ ବ୍ରହ୍ମପୁର ପୋଲିସ୍‌ର ନୂଆ ଫଣ୍ଡା

barhampur

ବ୍ରହ୍ମପୁର (ଓଡ଼ିଶା ରିପୋର୍ଟର): ଅପରାଧୀଙ୍କୁ ସୁଧାରିବା ପାଇଁ ବ୍ରହ୍ମପୁର ପୋଲିସ ନେଇଛି ନୂଆ ପଦକ୍ଷେପ। ବୁଝାଶୁଝା ମାଧ୍ୟମରେ କିଭଳି ଅପରାଧୀମାନଙ୍କ ମାନସିକତାକୁ ପରିବର୍ତ୍ତନ କରାଯାଇ ପରିବ ସେନେଇ ଆଗକୁ ଆସିଛି ପୋଲିସ। ଏଥିପାଇଁ ଜିଲ୍ଲାର ବିଭିନ୍ନ ଥାନା ଓ ପୋଲିସ ଫାଣ୍ଡିରେ ଅପରାଧିକ ମାମଲା ଥିବା ଅଭିଯୁକ୍ତମାନଙ୍କୁ ଡକାଯାଇ କାଉନସେଲିଙ୍ଗ କରାଯାଇଛି।

ବ୍ରହ୍ମପୁରର ବିଭିନ୍ନ ଥାନରେ ଅପରାଧୀମାନଙ୍କୁ ଡକାଯାଇ ପରେଡ କରାଯାଇଛି। ଏହାସହ ସେମାନଙ୍କ ବିରୋଧରେ ଥିବା ବିଭିନ୍ନ ଅପରଧିକ ମାମଲା ସମ୍ପର୍କରେ ଅବଗତ କରାଇ ବୁଝାଶୁଝା କରାଯାଇଛି। ଏସପି ପିନାକ ମିଶ୍ର ଓ ଏଏସ୍‌ପି ତ୍ରିନାଥ ପଟେଲଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ଏହି କାଉନସେଲିଙ୍ଗ ହୋଇଥିଲା।

ପ୍ରତି ସପ୍ତାହରେ ଅପରାଧୀମାନଙ୍କୁ ଏଭଳି ଡକାଯାଇ ବୁଝାଶୁଝା କରାଯିବ ବୋଲି ଏଏସ୍‌ପି ପଟେଲ କହିଛନ୍ତି। ଏଥିରେ ବି ଅପରାଧୀମାନଙ୍କ ମାନସିକତା ତଥା କାର୍ଯ୍ୟକଳାପରେ କୌଣସି ପରିବର୍ତ୍ତନ ନଆସିଲେ ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି।

Previous ArticleNext Article

Send this to a friend