ପାର୍ସଲ୍ ବୋମା ବିସ୍ଫୋରଣ ଘଟଣା: ଆହତ ରୀମାରାଣୀ ଆଜି ହେବେ ଡିସଚାର୍ଜ

ବଲାଙ୍ଗିର(ଓଡ଼ିଶା ରିପୋର୍ଟର): ବଲାଙ୍ଗିର ପାଟଣାଗଡ଼ ପାର୍ସଲ୍ ବୋମା ବିସ୍ଫୋରଣରେ ଆହତ ହୋଇଥିବା ରୀମାରାଣୀ ଆଜି ଡିସଚାର୍ଜ ହେବେ। ବିସ୍ପୋରଣରେ ଗୁରୁତର ଆହତ ହୋଇ ରୀମାରାଣୀ କଟକ ବଡ ମେଡିକାଲରେ ଚିକିତ୍ସିତ ହେଉଥିଲେ। କ୍ଲିୟରାନ୍ସ ମିଳିସାରିଛି, ଆଜି ସେ ଘରକୁ ଫେରିବେ।

ଫେବ୍ରୁଆରୀ ୨୩ ତାରିଖରେ ପାଟଣାଗଡ଼ ଭୋଳାନାଥ ପଡ଼ାର ରବୀନ୍ଦ୍ର ସାହୁଙ୍କ ଘରେ ଘଟିଥିଲା ପାର୍ସଲ ବୋମା ବିସ୍ଫୋରଣ। ରାୟପୁରରୁ ଆସିଥିବା ଉପହାର ଖୋଲିଲା ବେଳେ ବିସ୍ଫୋରଣ ଘଟିଥିଲା। ବିସ୍ଫୋରଣରେ ଆଖି ବୁଜିଥିଲେ ରୀମାରାଣୀଙ୍କ ସ୍ୱାମୀ ସୌମ୍ୟଶେଖର ଓ ତାଙ୍କ ଜେଜେ ମାଆ।

ରୀମାଙ୍କ ଅନୁରୋଧ କ୍ରମେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘଟଣାର ତଦନ୍ତ ଦାୟିତ୍ୱ କ୍ରାଇମବ୍ରାଞ୍ଚକୁ ଦେଇଥିଲେ। ହେଲେ ଏପର୍ଯ୍ୟନ୍ତ ସାମ୍ନାକୁ ଆସିପାରିନି ଅଭିଯୁକ୍ତଙ୍କ ଚେହେରା। ଗତ ମାର୍ଚ୍ଚ ୨୪ ତାରିଖ ବଲାଙ୍ଗିରରେ ପହଞ୍ଚି କ୍ରାଇମବ୍ରାଞ୍ଚର ଏସ୍‌ଆଇଟି ଟିମ୍‌ ତଦନ୍ତ କରିଥିଲା। ଏହାସହ କ୍ରାଇମ୍‌ବ୍ରାଞ୍ଚ ଟିମ୍‌ କଟକ ବଡମେଡିକାଲ ଯାଇ ରୀମାରାଣିଙ୍କୁ ପଚରାଉଚରା କରିଥିଲା। ଗତ ୨୫ ତାରିଖ ସକାଳେ ଏସ୍‌ଆଇଟି ଟିମ୍‌ କୋରିୟର ଦେଇଥିବା ସର୍ଭିସ ବଏ ଓ ସ୍କାଏକିଙ୍ଗ କୋରିୟର ମାଳିକଙ୍କୁ ପଚରାଉଚରା କରିଥିଲା। ପରେ ମୃତ ସୌମ୍ୟଶେଖରର ବାପା ଓ ମାଆଙ୍କୁ ଡାକି ଦୀର୍ଘ ସମୟ ଧରି ପଚରାଉଚରା କରାଯାଇଥିଲା।

 

 

Previous ArticleNext Article

Send this to a friend