ଡେରିରେ ଆସିବାରୁ ଅଫିସରଙ୍କୁ ଏମିତି ଦଣ୍ଡଦେଲେ ନିର୍ଦ୍ଦେଶକ: ଅଧିକାରୀ କହିଲେ, ଏଣିକି ମୁଁ ବାହାରେ ବୁଲିବି

ସମ୍ବଲପୁର( ଓଡ଼ିଶା ରିପୋର୍ଟର): ବୁର୍ଲା ବୀର ସୁରେନ୍ଦ୍ର ସାଏ ମେଡିକାଲ କଲେଜରେ ଦେଖିବାକୁ ମିଳିଛି ଏକ ଅପ୍ରୀତିକର ଘଟଣା। ପ୍ରଶାସନିକ ସ୍ତରରେ ଉପୁଜିଛି ଅଜବ ସ୍ଥିତି। ମୁହାଁମୁହିଁ ହୋଇଛନ୍ତି ନିର୍ଦ୍ଦେଶକ ଏବଂ ପ୍ରାଶାସନିକ ଅଧିକାରୀ।  ଅଭ୍ୟାସଗତଭାବେ ବିଳମ୍ବରେ ଆସିବାରୁ ପ୍ରାଶାସନିକ ଅଧିକାରୀଙ୍କ ପ୍ରକୋଷ୍ଠରେ ତାଲା ପକାଇଛନ୍ତି ନିର୍ଦ୍ଦେଶକ। ଏନେଇ ପ୍ରାଶାସନିକ ଅଧିକରୀ ଓ.ଏ.ଏସ ସଂଘର ଦ୍ୱାରସ୍ଥ ହୋଇଛନ୍ତି।  କିନ୍ତୁ ସେପଟେ  ଅଧିକାରୀଙ୍କ ବିରୋଧରେ ପାଲଟା ଆଣିଛନ୍ତି ନିର୍ଦ୍ଦେଶକ।

ପ୍ରାଶାସନିକ ଅଧିକାରୀଙ୍କ ନାଁ ଗୋପାଳସ୍ୱାମୀ ନାଇଡୁ। ବିଳମ୍ବରେ ଆସିବାରୁ ତାଙ୍କ ରୁମ୍‌କୁ ଏପରି ତାଲା ପକାଇ ତାଙ୍କର ଅପମାନ କରାଯାଇଛି ବୋଲି ସେ କହିଛନ୍ତି। ତେଣୁ ସେ ଆଉ ରୁମ୍‌ରେ ନବସି ଅନ୍ୟତ୍ର ବୁଲିବେ ବୋଲି କହିଛନ୍ତି।

ନିର୍ଦ୍ଦେଶକଙ୍କ ଅଭିଯୋଗ କିନ୍ତୁ ଭିନ୍ନ। ସେ କହିଛନ୍ତି, ଗୋପାଳସ୍ୱାମୀ ଅଫିସ୍‌କୁ ଅଭ୍ୟାସରତ ଭାବେ ବିଳମ୍ବରେ ଆସନ୍ତି। କାମ ଠିକ୍‌ରେ ଭାବେ କରନ୍ତି ନାହିଁ। କାହାକୁ ନଜଣାଇ ଛୁଟିରେ ରୁହନ୍ତି। ଅଫିସ ଅନୁଶାସନ ଭିତରେ ସେ କେବେ ରୁହନ୍ତି ନାହିଁ।

ଏପରି ଘଟଣା ବୁର୍ଲା ମେଡିକାଲ କଲେଜରେ ଚର୍ଚ୍ଚାର ବିଷୟ ପାଲଟିଛି।

Previous ArticleNext Article

Send this to a friend