ନବୀନଙ୍କୁ ଶୁଭେଚ୍ଛା ଓ ସମ୍ବର୍ଦ୍ଧନାର ସୁଅ

Naveenଭୁବନେଶ୍ୱର: ଆଉଟ୍‌ଲୁକ୍‌ ପକ୍ଷରୁ ଶ୍ରେଷ୍ଠ ପ୍ରଶାସକ ପୁରସ୍କାର ପାଇଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ  ଓଡ଼ିଶାରେ ସମ୍ୱର୍ଦ୍ଧନା ଦିଆଯିବା ଆରମ୍ଭ ହୋଇଛି। ଆଜି ନବୀନ ନିବାସରେ ୨୦ଟି ସଙ୍ଗଠନ ପକ୍ଷରୁ ତାଙ୍କୁ ସମ୍ବର୍ଦ୍ଧନା ଦିଆଯାଇଛି। ସମ୍ବର୍ଦ୍ଧନା ଦେଇଥିବା ବ୍ୟକ୍ତି ଓ ସଙ୍ଗଠନ ଭିତରେ ସାମିଲ ଥିଲେ ଭୁବନେଶ୍ୱର ମେୟର ଓ କର୍ପୋରେଟର,ସିନିୟର ସିଟିଜେନ ଆସୋସିଏସନ୍, ଶିଖ୍ ଓ ମୁସଲିମ୍ ସଂଗଠନ।

ସେହିଭଳି ସଚିବାଳୟରେ ମଧ୍ୟ ସଚିବ ଓ କର୍ମଚାରୀଙ୍କ ପକ୍ଷରୁ ମୁଖ୍ୟମନ୍ତ୍ରୀଙ୍କୁ ସମ୍ବର୍ଦ୍ଧନା ଜଣାଯାଇଛି।ଗତକାଲି ଦିଲ୍ଲୀରୁ ଫେରିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଏୟାରପୋର୍ଟରେ ସମ୍ବର୍ଦ୍ଧିତ କରାଯାଇଥିଲା।

ସୂଚନାଯୋଗ୍ୟ, ଗତ ୧୮ ତାରିଖରେ ନୂଆଦିଲ୍ଲୀରେ ଆୟୋଜିତ ଆଉଟ୍‌ଲୁକ ପତ୍ରିକାର ସ୍ୱତନ୍ତ୍ର ଉତ୍ସବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ‘ଶ୍ରେଷ୍ଠ ପ୍ରଶାସକ’ ସମ୍ମାନ ଗ୍ରହଣ କରିଥିଲେ।  ଏହି ସମ୍ମାନକୁ ସେ ସାଢ଼େ ୪ କୋଟି ଓଡ଼ିଆଙ୍କୁ ଉତ୍ସର୍ଗ କରିଛନ୍ତି।

Previous ArticleNext Article

Send this to a friend