ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଆଠଗଡ଼( ଓଡ଼ିଶା ରିପୋର୍ଟର): ମୃତ୍ୟୁ କାହା ପାଇଁ କେମିତି ଆଉ କେତେବେଳେ ଆସିବ କହିହେବନି। କେତେବେଳେ କିଏ ଯିବ ଓ କିଏ ରହିବ ଉପରବାଲା ସ୍ଥିର କରନ୍ତି । ଆମେ ଏ କଥା କାହିଁକି କହିଲୁ ହୁଏତ ଆପଣ ବୁଝିପାରୁ ନ ଥିବେ । ଗତକାଲି ରାତିରେ ଏମିତି ଏକ ଘଟଣା ଘଟିଛି ଯାହାକୁ ଶୁଣି ଆପଣ ବି ଆମ କଥା ଦୋହରାଇବେ ଏଥିରେ ଦ୍ୱିମତ ନାହିଁ।</p> <p>କଟକ ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ଗୋବିନ୍ଦପୁର ଛକରେ ୩ ଜଣ ଟ୍ରଲିଚାଳକ ରାତିରେ ମାଲ୍ ଅନଲୋଡ କରିବା ପାଇଁ ବସ୍‌କୁ ଅପେକ୍ଷା କରି ଶୋଇଥିବା ବେଳେ ଏକ ଗାଡ଼ି ତାଙ୍କ ଉପରେ ମାଡ଼ି ଯାଇଥିଲା। ଗାଡ଼ିଟି ରାସ୍ତାକଡ଼ରେ ଥିବା ଏକ କ୍ୟାବିନ ଉପରେ ମଧ୍ୟ ଚଢ଼ି ଯିବାରୁ ଏହା ଭାଙ୍ଗି ଚୁର୍‌ମାର ହୋଇଯାଇଛି।</p> <p>ନିଜ ପେଟ ପୋଷିବା ପାଇଁ ଜାତୀୟ ରାଜପଥ କଡ଼ରେ ଏହି ୩ଜଣ ଟ୍ରଲି ଚାଳକ ଶୋଇଥିବା ବେଳେ ଗତକାଲି ରାତିରେ ଘଟିଥିଲା ଏହି ଦୁର୍ଘଟଣା। ଘଟଣାସ୍ଥଳରେ ଜଣଙ୍କର ପ୍ରାଣ ଚାଲି ଯାଇଥିବା ବେଳେ ଆଉ ୨ ଜଣ କଟକ ବଡ ଡାକ୍ତରଖାନାରେ ମରଣ ସହ ଲଢୁଛନ୍ତି।</p> <p>ଚେପା ହୋଇଯାଇଥିବା ଟ୍ରଲି ଆଉ ରକ୍ତରେ ଭିଜି ଯାଇଥିବା ମାଟିକୁ ଦେଖିବା ପରେ ଆପଣ ମଧ୍ୟ ଅନୁମାନ କରିପାରିବେ ଦୁର୍ଘଟଣାର ଭୟାବହତା। ପୋଲିସ୍‌ ଏବେ ଘଟଣାର ତଦନ୍ତ କରୁଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
