ରତ୍ନଭଣ୍ଡାର ଚାବି ହଜିବା ଘଟଣାରେ ନବୀନଙ୍କୁ କଟାକ୍ଷ: ଧର୍ମେନ୍ଦ୍ର କହିଲେ ଏମିତି କିଛି

dharmendra

ଭୁବନେଶ୍ୱର (ଓଡ଼ିଶା ରିପୋର୍ଟର): ରତ୍ନଭଣ୍ଡାରର ଚାବି ହଜିବା ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସେ ସିଧାସଳଖ ମୁଖ୍ୟମନ୍ତ୍ରୀଙ୍କ ଉପରକୁ ଅଙ୍ଗୁଳି ନିର୍ଦ୍ଦେଶ କରିଛନ୍ତି। ସେ କହିଛନ୍ତି, “ଚାବି ହଜିବା ଯଦି ସତ ହୋଇଥାଏ, ଏହା ଭାବନାତ୍ମକ ଦୃଷ୍ଟିରୁ ସାଂଘାତିକ। ଘଟଣାକୁ ୨ ମାସ ହେଲାଣି ମୁଖ୍ୟମନ୍ତ୍ରୀ ପାଟି ଖୋଲୁ ନାହାନ୍ତି। ଟିକେ ଟିକେ କଥାରେ ଆଇନ ତା’ ବାଟରେ ଯିବ କହନ୍ତି ମୁଖ୍ୟମନ୍ତ୍ରୀ। କିନ୍ତୁ ଏଭଳି ଏକ ସମ୍ବେଦନଶୀଳ ଘଟଣାରେ କାହିଁକି ଚୁପ୍ ବସିଛନ୍ତି।”

ସେ ଆହୁରି କହିଛନ୍ତି ଯେ, “ଲୋକଙ୍କ ମନରେ ଯେଉଁ ସନ୍ଦେହ ଉଠିଛି, କମିଶନ ତା’ର ଉତ୍ତର ନୁହେଁ। ବ୍ରହ୍ମ ବିଭ୍ରାଟ ପରେ ବି କମିଶନ ବସିଥିଲା। କମିଶନ ତଦନ୍ତ ଆଳରେ ଆଖିରେ ଧୂଳି ଦେବା ନ ହେଉ। ଅପାରଗ ଓ ଅବ୍ୟବସ୍ଥାର ଉତ୍ତର କମିଶନ ନୁହେଁ। ମୁଖ୍ୟମନ୍ତ୍ରୀ ଦାୟିତ୍ୱରେ ଅଛନ୍ତି। ଉତ୍ତରଦାୟୀ ହେବା ଉଚିତ।”

Previous ArticleNext Article

Send this to a friend