ସୁବର୍ଣ୍ଣପୁର (ରବୀନ୍ଦ୍ର ହୋତା): ସୁବର୍ଣ୍ଣପୁର ଜିଲ୍ଲାରେ ଜାଲ ନୋଟ ରାକେଟ ଠାବ କରାଯାଇଛି। ଜାଲ ନୋଟ କାରବାର ଅଭିଯୋଗରେ ବୀରମହାରାଜପୁର ପୋଲିସ ୩ ଜଣଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୪୨ ହଜାର ୫ ଶହ ନକଲି ଟଙ୍କା ଜବତ କରିଛି। ଗିରଫ ଅଭିଯୁକ୍ତମାନେ ହେଲେ ବୌଦ୍ଧ ଜିଲ୍ଲା ମନମୁଣ୍ଡାର ରଂଜିତ ନାଏକ, ଗୁଡଭେଲିପଦରର ରାଜେଶ କୁମାର ସାହୁ ଓ ସୁବର୍ଣ୍ଣପୁର ପାଣିସିଆଲି ଗାଁର ସର୍ବେଶ୍ୱର ମିଶ୍ର। ଘଟଣାରେ ସଂପୃକ୍ତ ଅନ୍ୟଜଣେ ଅଭିଯୁକ୍ତ ରାମାନନ୍ଦ ପ୍ରଧାନ ଏବେବି ଫେରାର ରହିଛି।
ଗତ ୧୪ ତାରିଖରେ ଠେଙ୍ଗୋ ଅଞ୍ଚଳରେ ଏମାନେ ୪୦ ହଜାର ଟଙ୍କା ୫ ଶହ ଟଙ୍କାରେ ୪ଟି ଛେଳି କିଣିଥିଲେ। ବିକ୍ରେତାମାନେ ଉକ୍ତ ଟଙ୍କା ନକଲି ବୋଲି ଜାଣିବା ପରେ ଏନେଇ ବୀରମହାରାଜପୁର ଥାନାରେ ଅଭିଯୋଗ କରିଥିଲେ। ପୋଲିସ ଘଟଣାର ତଦନ୍ତ କରି ୩ ଜଣଙ୍କୁ ଗିରଫ କରିବା ସହ ୪୨ ହଜାର ୫ ଶହ ଟଙ୍କା ଜବତ କରିଛି। ତେବେ ବୌଦ୍ଧ ଜାଲ ନୋଟ କାରବାର ଘଟଣା ସହ ଏହାର ଲିଙ୍କ ଥିବା ପୋଲିସ କହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
