ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କୋରାପୁଟ(ଓଡ଼ିଶା ରିପୋର୍ଟର): କୋଟିଆ ଗ୍ରାମପୁଞ୍ଜ ଉପରେ ଆନ୍ଧ୍ରର ଲୋଲୁପ ଦୃଷ୍ଟି। କେତେବେଳେ ଆନ୍ଧ୍ର ଅଧିକାରୀ ପେନ୍‌ସନ ଓ କମ୍ବଳ ବଣ୍ଟନ ତ ପୁଣି ଆଉ କେତେବେଳେ ଆଧାରକାର୍ଡ ଫଟୋ ଉଠାଉଛନ୍ତି। ଏପରି ସ୍ଥିତିକୁ ପାଖରୁ ଦେଖିବା ଓ ଲୋକଙ୍କ ଅଭାବ ଅସୁବିଧା ସଂପର୍କରେ ସିଧା ଆଲୋଚନା ପାଇଁ ରାଜସ୍ୱ ବିଭାଗର ନିର୍ଦ୍ଦେଶରେ ଆଜି କୋଟିଆ ଯାଇଥିଲେ ଧୋବଧବଳିଆ ବାବୁ। କୋଟିଆବାସୀ ସରକାରୀ ବାବୁକୁ ଚାହିଁ ରହିଥିଲେ। ସରକାରୀ ବାବୁମାନେ ପହଞ୍ଚିବା ପରେ ସ୍ୱାଗତ ମଧ୍ୟ କରିଥିଲେ। ଏହି ସମୟରେ ସ୍ଥାନୀୟ ଲୋକେ ନିଜର ସମସ୍ୟା ସମ୍ପର୍କରେ ବାବୁମାନଙ୍କ ସହିତ ଆଲୋଚନା କରିବାକୁ ଚାହିଁଥିଲେ। ମାତ୍ର ବାବୁମାନେ ୫ଟାରେ ବୈଠକ ଅଛି ବୋଲି କହି ପଳାଇ ଆସିଥିଲେ। ଯାହାକୁ ନେଇ ଗାଁ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।</p> <p>କୋଟିଆ ପଞ୍ଚାୟତ ସରପଞ୍ଚ ବିଶ୍ୱନାଥ ଖିଲ କହିଛନ୍ତି-“ଗାଁରେ ଥିବା ଦାବି ସମ୍ପର୍କରେ ଆଲୋଚନା ପାଇଁ ଅଧିକାରୀଙ୍କୁ ଅନୁରୋଧ କରିଥିଲୁ। ଅଧିକାରମାନେ ଆମ ଅନୁରୋଧ ଶୁଣିବା ପରିବର୍ତ୍ତେ କୋରାପୁଟ୍‌ ଯାଇ ଦାବିପତ୍ର ଦେବାକୁ କହିଥିଲେ। ହେଲେ ଗାଁ ଲୋକେ ଯିବାକୁ ନାରାଜ। ମୁଁ କଣ ଏକା ଯାଇ ଅଭିଯୋଗ କରିବି?”</p> <p>କୋଟିଆବାସୀଙ୍କ ଅଭିଯୋଗ ନେଇ ସରକାରୀ ଅଧିକାରୀ ମୁହଁ ଖୋଲି ନଥିଲା ବେଳେ ଏହି ଟିମ୍ ସହ ଗସ୍ତ କରିଥିବା ବିଧାୟକ ତଥା କୋରାପୁଟ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ପ୍ରଫୁଲ୍ଲ ପାଙ୍ଗୀ କହିଛନ୍ତି ଲୋକଙ୍କ ସହ ଆଲୋଚନା ହୋଇଛନ୍ତି। ତେବେ ସରକାରୀ ଟିମ୍‌ରେ ଏଭଳି ବ୍ୟବହାରକୁ ସମାଲୋଚନା କରିଛି ବିଜେପି।</p> <p>ଅନ୍ୟପକ୍ଷରେ କୋଟିଆ ଗସ୍ତରୁ ଫେରିଥିବା ସରକାରୀ ଟିମ୍ କୋରାପୁଟ ପହଞ୍ଚି ସଦ୍ଭାବନା ଗୃହରେ ବିଭିନ୍ନ ଅଧିକାରୀଙ୍କ ସହ କୋଟିଆର ସ୍ଥିତି ନେଇ ସମୀକ୍ଷା କରୁଛନ୍ତି। ଏହି ବୈଠକରେ କୋଟିଆ ସରପଞ୍ଚ ବିଶ୍ୱନାଥ ଖିଲ ସାମିଲ ହୋଇଛନ୍ତି। ପ୍ରଥମେ କୋରାପୁଟ ସମୀକ୍ଷା ବୈଠକକୁ ଆସିବା ପାଇଁ ମନା କରୁଥିବା ବିଶ୍ୱନାଥ ଖିଲ ପରବର୍ତ୍ତୀ ସମୟରେ ଏହି ବୈଠକରେ ଯୋଗ ଦେଇଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
