ଆଇଏସଆଇ ଲିଙ୍କ: ଈଶ୍ୱରଙ୍କ ଜାମିନ ଆବେଦନ ଖାରଜ

iswara-behera

ବାଲେଶ୍ୱର: ଆଇଏସ୍ଆଇ ଲିଙ୍କ୍ ଅଭିଯୋଗରେ ଗିରଫ ହୋଇଥିବା ଠିକା କ୍ୟାମେରାମ୍ୟାନ ଈଶ୍ୱର ବେହେରା ମାମଲାର ଜାମିନ୍ ଆବେଦନକୁ ଖାରଜ କରିଦେଇଛନ୍ତି ବାଲେଶ୍ୱର ଜିଲ୍ଲା ଦୌରା ଜଜ।ସୋମବାର ଏହି ମାମଲାରରେ ବିଚାର କରାଯାଇ ରାୟକୁ ସଂରକ୍ଷଣ କରିଥିଲ ବାଲେଶ୍ୱର ଜିଲ୍ଲା ଦୌରା ଜଜ।

ସୋମବାର ଈଶ୍ୱରଙ୍କ ବିରୋଧରେ ହୋଇଥିବା ଅଭିଯୋଗର ସତ୍ୟତା ନ ଥିବା ସମ୍ପର୍କରେ ପ୍ରତିପକ୍ଷ ଓକିଲ ଯୁକ୍ତିବାଢିଥିଲେ।ସେହିପରି ଅଭିଯୁକ୍ତଙ୍କ ବିରୋଧରେ ତଦନ୍ତକାରୀ ସଂସ୍ଥା କ୍ରାଇମବ୍ରାଞ୍ଚ ୧୨୦ ଦିନ ମଧ୍ୟରେ ଫାଇନାଲ ଚାର୍ଜସିଟ କୋର୍ଟରେ ଦାଖଲ କରିପାରିନାହିଁ। ଏହି ଯୁକ୍ତି ଦର୍ଶାଇ ଜାମିନ୍ ପ୍ରଦାନ ପାଇଁ ଆବେଦନ କରିଥିଲେ ପ୍ରତିପକ୍ଷ ଓକିଲ । ସେପଟେ ବିଦେଶରୁ ଈଶ୍ୱର ବେହେରାଙ୍କ ଆକଉଣ୍ଟକୁ ଟଙ୍କା ଆସିବା ଓ ଫୋନ୍ ମାଧ୍ୟମରେ ଆଇଏସ୍ଆଇ ଏଜେଣ୍ଟଙ୍କୁ ପ୍ରତିରକ୍ଷା ବିଭାଗର ଗୁପ୍ତତଥ୍ୟ ପ୍ରଦାନ କରିବା ଦର୍ଶାଇ ସରକାରୀ ଓକିଲ ଜାମିନ୍ ଆବେଦନ ଉପରେ ଆପତ୍ତି ଉଠାଇଥିଲେ ମଧ୍ୟ ଏହାକୁ ଖାରଜ କରିଦେଇଛନ୍ତି ବାଲେଶ୍ୱର ଜିଲ୍ଲା ଦୌରା ଜଜ।

ସୂଚନାଯୋଗ୍ୟ,ଗତ ଫେବୃୟାରୀ ୨୩ ତାରିଖରେ ପ୍ରତିରକ୍ଷା ବିଭାଗର ଗୁପ୍ତତଥ୍ୟ ଆଇଏସ୍ଆଇ ଏଜେଣ୍ଟକୁ ପ୍ରଦାନ କରିବା ଅଭିଯୋଗରେ ଠିକା କ୍ୟାମେରାମ୍ୟାନ୍ ଈଶ୍ୱର ବେହେରାକୁ ବାଲେଶ୍ୱର ପୋଲିସ୍ ଗିରଫ କରିଥିଲା। ଏହାପରେ ଏହି ମାମଲାର ତଦନ୍ତଭାର କ୍ରାଇମବ୍ରାଞ୍ଚକୁ ପ୍ରଦାନ କରାଯାଇଥିଲା ।

Previous ArticleNext Article

Send this to a friend