ସୋନା ମହାପାତ୍ରଙ୍କୁ କିଏ କାହିଁକି ଦେଲା ଧମକ ?

ଭୁବନେଶ୍ୱର,(ଓଡ଼ିଶା ରିପୋର୍ଟର): ପୁଣି ବିବାଦରେ ପ୍ରତିଷ୍ଠିତ ବଲିଉଡ୍ ଓଡ଼ିଆ ଗାୟିକା ସୋନା ମହାପାତ୍ର। ସଦ୍ୟ ରିଲିଜ୍ ହୋଇଥିବା ମ୍ୟୁଜିକ୍ ଭିଡିଓ ‘ତୋରି ସୁରତ’ ପାଇଁ ତାଙ୍କୁ ମଦରିୟା ସୁଫି ଫାଉଣ୍ଡସେନ୍ ପକ୍ଷରୁ ମିଳିଛି ଧମକପୂର୍ଣ୍ଣ ଇମେଲ୍।  ଏହି ଭିଡିଓରେ ଅଶ୍ଳୀଳତା ଥିବା ଅଭିଯୋଗ କରି ଏହାକୁ ହଟାଇବା ପାଇଁ ଦାବି ଉଠିଛି।  ଏନେଇ ନିଜେ ସୋନା ଏନେଇ ଟ୍ୱିଟ୍‌ କରିବା ସହ ମୁମ୍ବାଇ ପୋଲିସର ସହାୟତା ଲୋଡ଼ିବା ପରେ ପୋଲିସ୍ ତାଙ୍କୁ ସୁରକ୍ଷା ଯୋଗାଇ ଦେଇଥିବା ସୂଚନା ମିଳିଛି। ମଦରିୟା ସୁଫି ଫାଉଣ୍ଡେସନ୍ ନାମକ ଏକ ସଂସ୍ଥାର ଅଭିଯୋଗ ଅନୁଯାୟୀ,  ତୋରି ସୁରତ ନାଁରେ ସୋନାଙ୍କ ଏଇ ମ୍ୟୁଜିକ୍ ଭିଡିଓ ଅଶ୍ଳୀଳତାକୁ ପ୍ରସାର କରୁଛି। ଯୁବକଙ୍କୁ ପଥଭ୍ରଷ୍ଟ କରିବା ସହ ସାମ୍ପ୍ରଦାୟିକ ବିଦ୍ୱେଷ ବଢ଼ାଉଛି । ଏସବୁ ଅଭିଯୋଗ ସହ ଫାଉଣ୍ଡେସନ୍ ତାଙ୍କୁ ଧମକପୂର୍ଣ୍ଣ ଇ-ମେଲ୍ ଦେଉଥିବା ନେଇ ନିଜେ ସୋନା ଟ୍ୱିଟ୍‌ କରିବା  ପରେ ସାମ୍ନାକୁ ଆସିଛି ପୂରା ବିବାଦ।  ଏହି ଧମକ ସଂପର୍କରେ ମୁମ୍ବାଇ ପୋଲିସକୁ ସୋନାଙ୍କ ସିରିଜ୍ ଟ୍ୱଟ୍‌ ପରେ ତାଙ୍କୁ ସୁରକ୍ଷା ଯୋଗାଇ ଦିଆଯାଇଥିବା ସୋନା ସୂଚନା ଦେଇଛନ୍ତି । ଏଭଳି ଧମକକୁ ରୁଢ଼ିବାଦୀ ମାନସିକତା ବୋଲି କହିଛନ୍ତି ସୋନା।

କେବଳ ତୋରି ସୁରତ୍ ନୁହେଁ, ଅତୀତରେ ଦେଶର ଏକାଧିକ ଲୋକଗୀତକୁ ରିକ୍ରିଏଟ୍ କରି କେତେ ବେଳେ ବିବାଦରେ ଫସିଛନ୍ତି ତ ଆଉ କେତେ ବେଳେ ପ୍ରଶଂସା ସାଉଁଟିଛନ୍ତି। ବଲିଉଡ୍‌ରେ ନାଁକରା ଓଡ଼ଆ ସିଙ୍ଗର ସୋନା  ୨୦୧୫ରେ ପ୍ରଖ୍ୟାତ ସମ୍ବଲପୁରୀ ସିଙ୍ଗର ଜିତେନ୍ଦ୍ରୀୟ ହରିପାଲ ଓ କ୍ରିଷ୍ଣା ପଟେଲଙ୍କ ମୂଳଗୀତ ରଙ୍ଗବତୀର କୋକ୍ ଷ୍ଟୁଡିଓ ଭର୍ସନକୁ ନେଇ ବେଶ୍ ସମାଲୋଚିତ ହୋଇଥିଲେ ସୋନା । ପରବର୍ତ୍ତୀ ସମୟରେ ଏଥିପାଇଁ କ୍ଷମାପ୍ରାର୍ଥନା ବି କରିଥିଲେ।

ସେହିପରି ସୋନାଙ୍କ ପିୟା ସେ ନୈନାର କୋକ୍ ଷ୍ଟୁଡିଏ ଭର୍ସନ୍ ମଧ୍ୟ ଏକ ନିର୍ଦ୍ଦିଷ୍ଟ ଧର୍ମକୁ ଅପମାନିତ କରିଥିବା ନେଇ ଅଭିଯୋଗ ହୋଇଥିଲା  ତେବେ ବର୍ତ୍ତମାନର ‘ତୋରି ସୁରତ’ ମ୍ୟୁଜିକ୍ ଭିଡିଓ ବିବାଦକୁ ନେଇ ସୋନାଙ୍କ ସପକ୍ଷରେ ଆସିଛି । ବଲିଉଡ୍‌କୁ ନେଇ ଓଲିଉଡ୍ ଜଗତ ଏପରିକି ପ୍ରଖ୍ୟାତ ଗୀତିକାର ଜାଭେଦ୍ ଅଖତର ଘଟଣାକୁ ନିନ୍ଦା କରିଛନ୍ତି। ପ୍ରସିଦ୍ଧ ସୁଫି କବି ଅମୀର ଖୁସରୋଙ୍କ ମୂଳ ଗୀତକୁ ନେଇ ପ୍ରସ୍ତୁତ ସୋନାଙ୍କ ଏଇ ଭିଡିଓ ତୋରି ସୁରତ୍‌କୁ  ନେଇ ଉଠିଥିବା ବିବାଦ ଆଗକୁ କେଉଁ ରୂପ ନେଉଛି, ତା’ ଉପରେ ନଜର।

Previous ArticleNext Article

Send this to a friend