ଡାଭିସ୍ କପ୍: ପ୍ରଥମ ଦିନରେ ହାରିଲେ ସୋମଦେବ, ୟୁକି ଜିତିଲେ

yuki

ଖ୍ରୀଷ୍ଟଚର୍ଚ: ଡାଭିସ୍ କପର ପ୍ରଥମ ଦିନରେ ଭାରତକୁ ମିଳିଛି ଉଭୟ ସଫଳତା ଓ ବିଫଳତା। ଆଶ୍ଚର୍ଯ୍ୟଜନକ ଭାବେ ସୋମଦେବ ଦେବବର୍ମା ତାଙ୍କ ପ୍ରଥମ ମ୍ୟାଚରେ ହାରି ଯିବା ପରେ ୟୁକି ଭାମ୍ବ୍ରି ଭାରତକୁ ଦେଇଛନ୍ତି ଏକ ବଢ଼ିଆ ବିଜୟ। ଏହା ସହିତ ପ୍ରଥମ ଦିନରେ ଭ୍ରମଣକାରୀ ଭାରତ ଓ ଘରୋଇ ନ୍ୟୁଜିଲାଣ୍ଡ ମଧ୍ୟରେ ଫଳାଫଳ ୧-୧ ରହିଛି।

ସିଙ୍ଗିଲ୍ସରେ ୫୪୮ତମ ମାନ୍ୟତା ପ୍ରାପ୍ତ ମାଇକେଲ ଭେନସଙ୍କଠାରୁ ୧୪୮ ନମ୍ବର ମାନ୍ୟତାପ୍ରାପ୍ତ ଭାରତୀୟ ତାରକା ସୋମଦେବ ୬-୪, ୬-୪, ୩-୬, ୩-୬, ୧-୬ରେ ହାରିଯାଇଛନ୍ତି। ୩ ଘଣ୍ଟା ୪୩ ମିନିଟ ଧରି ଏହି ମ୍ୟାଚ୍ ଚାଲିଥିଲା। ଭେନସ ପ୍ରଥମ ଦୁଇଟି ସେଟ୍ ହାରି ଯାଇଥିଲେ। କିନ୍ତୁ ତୃତୀୟ ରାଉଣ୍ଡରୁ ମ୍ୟାଚକୁ ଜବରଦସ୍ତ ଭାବେ ନିଜ ଅକ୍ତିଆରକୁ ନେଇଥିଲେ।

ସୋମଦେବଙ୍କ ପରାସ୍ତ ପରେ ନିରାଶ ଭାରତୀୟ କ୍ୟାମ୍ପକୁ ଖୁସି ଆଣି ଦେଇଥିଲେ ୟୁକି ଭାମ୍ବ୍ରି। ଦ୍ୱିତୀୟ ସିଙ୍ଗିଲ୍ସରେ ସେ ଜୋଶ୍ ଷ୍ଟାଥାମଙ୍କୁ ୬-୨, ୬-୧ ଓ ୬-୩ରେ ହରାଇ ଦେଇଥିଲେ।

Previous ArticleNext Article

Send this to a friend