ଭୁବନେଶ୍ୱର(ଓଡ଼ିଶା ରିପୋର୍ଟର): ଘରେ ସୁଖ,ଶାନ୍ତି ଓ ସମୃଦ୍ଧି ପାଇଁ ଲୋକେ ଠାକୁର ଘର ନିର୍ମାଣ କରିଥାନ୍ତି। ସେଠାରେ ବିଭିନ୍ନ ଦେବୀ-ଦେବତାଙ୍କ ମୂର୍ତ୍ତି ଓ ଫଟୋ ରଖି ପୂଜାର୍ଚ୍ଚନା କରାଯାଇଥାଏ। ହେଲେ ଆପଣ ଜାଣନ୍ତି କି ଠାକୁର ଘରେ କେଉଁ ମୂର୍ତ୍ତି ରଖିବା ଉଚିତ ଓ ଉଚିତ ନୁହେଁ। ଆଜି ଆମେ ଆପଣଙ୍କୁ କହିବୁ ଠାକୁର ଘରେ କେଉଁ ମୂର୍ତ୍ତି ରଖିଲେ କ’ଣ ଫଳ ମିଳେ।
୧) ଜ୍ୟୋତିଷ ଶାସ୍ତ୍ର ଓ ହିନ୍ଦୁ ଧର୍ମ ଅନୁଯାୟୀ, ଭଗବାନ ଶିବଙ୍କ ଅବତାର ଭୈରବ ଦେବତା, ନଟରାଜ, ଶନି ଦେବତା ଓ ରାହୁ-କେତୁଙ୍କ ମୂର୍ତ୍ତି ଭୁଲରେ ବି ପୂଜା ଘରେ ରଖିବା ଉଚିତ ନୁହେଁ। ଏମାନଙ୍କ ମୂର୍ତ୍ତି ଠାକୁର ଘରେ ରଖିଲେ ନକାରତ୍ମକ ଶକ୍ତି ଘର ଭିତରକୁ ପ୍ରବେଶ କରିଥାଏ ବୋଲି କୁହାଯାଏ।
୨) ଅନେକ ଲୋକଙ୍କ ଘରେ ଦେଖିବାକୁ ମିଳିଥାଏ ଯେ ଠାକୁର ଘରେ ଗୋଟିଏ ଭଗବାନଙ୍କର ଅନେକ ଫଟୋ ବା ମୂର୍ତ୍ତି ରହିଥାଏ। ଏଭଳି କରିବା ଉଚିତ୍ ନୁହେଁ। ଏଭଳି କଲେ ଘରର ସଦସ୍ୟଙ୍କୁ ଦୁର୍ଭାଗ୍ୟର ଶିକାର ହେବାକୁ ପଡ଼େ।
୩) ମନେ ରଖନ୍ତୁ ଠାକୁର ଘରେ ଭଗବାନଙ୍କ ମୂର୍ତ୍ତିକୁ ସବୁବେଳେ ଏମିତି ରଖିବେ ଯେପରି ଭଗବାନଙ୍କ ପିଠି ଦେଖାଯିବ ନାହିଁ। ନଚେତ ତାହା ଘର ପାଇଁ ଅଶୁଭ ସାବ୍ୟସ୍ତ ହୋଇଥାଏ।
୪) ଠାକୁର ଘରେ କେବେ ହେଲେ କୌଣସି ଖଣ୍ଡିତ ମୂର୍ତ୍ତି ରଖନ୍ତୁ ନାହିଁ। କାରଣ ମୂର୍ତ୍ତି ଖଣ୍ଡିତ ଅବସ୍ଥାରେ ଠାକୁର ଘରେ ରହିଲେ ପୂଜା ସମ୍ପନ୍ନ ହୁଏ ନାହିଁ କି ପୂଜାର ଫଳ ମିଳେନାହିଁ।
୫) ଘର ମନ୍ଦିରରେ ଭଗବାନଙ୍କ ଠିଆ ହେବା ମୂର୍ତ୍ତି ରଖିବା ଅପେକ୍ଷା ଭଗବାନଙ୍କର ବସିଥିବା ଅବସ୍ଥାରେ ଫଟୋ କିମ୍ବା ମୂର୍ତ୍ତି ରଖିଲେ ଅଧିକ ସୁଫଳ ମିଳିଥାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
