ବୌଦ୍ଧ: ବୌଦ୍ଧ ଜିଲ୍ଲାର ୪୨ଟି ସ୍କୁଲରେ ଶୌଚାଳୟ ନିର୍ମାଣ କରିବ ପାଇଁ ଲକ୍ଷ୍ୟ ରଖିଥିଲା ଭାରତୀୟ ଷ୍ଟେଟ୍ ବ୍ୟାଙ୍କ (ଏସବିଆଇ)। ସ୍ୱଚ୍ଛ ବିଦ୍ୟାଳୟ ମିଶନ କାର୍ଯ୍ୟକ୍ରମ ଜରିଆରେ ଏହି ଶୌଚାଳୟଗୁଡ଼ିକୁ ନିର୍ମାଣ କରିବା ପାଇଁ ବ୍ୟାଙ୍କ ଯୋଜନା କରିଥିଲା। ଏଥି ମଧ୍ୟରୁ ୩୭ଟିର କାମ ଶେଷ ହୋଇଯାଇଛି। ଶୁକ୍ରବାର ସ୍ୱାଧୀନତା ଦିବସ ଅବସରରେ ବୌଦ୍ଧରେ ଏସବିଆଇର ଭୁବନେଶ୍ୱର ମଣ୍ଡଳ ପକ୍ଷରୁ କମ୍ୟୁନିଟି ସର୍ଭିସ ଆକ୍ଟିଭିଟି କାର୍ଯ୍ୟକ୍ରମ ଆୟୋଜିତ ହୋଇଥିଲା ଓ ଏଥିରେ ୩୭ଟି ସ୍କୁଲକୁ ଶୌଚାଳୟର ଚାବି ପ୍ରଦାନ କରାଯାଇଥିଲା। ଆଗାମୀ ଦିନରେ ବାକି ୫ଟି ସ୍କୁଲର ଶୌଚାଳୟଗୁଡ଼ିକର ନିର୍ମାଣ କାର୍ଯ୍ୟ ଶେଷ କରାଯାଇ ଚାବି ହସ୍ତାନ୍ତର କରାଯିବ ବୋଲି ଘୋଷଣା କରାଯାଇଥିଲା। ଏହି କାର୍ଯ୍ୟକ୍ରମରେ ଅର୍ଥ ମନ୍ତ୍ରୀ ପ୍ରଦୀପ ଅମାତ, ଜିଲ୍ଲାପାଳ ମଧୁସୂଦନ ମିଶ୍ର, ଏସବିଆଇର ମୁଖ୍ୟ ମହାପ୍ରବନ୍ଧକ ଭି.ବେଣୁଗୋପାଳ ରେଡ୍ଡୀ ଓ ମହାପ୍ରବନ୍ଧକ ଅନନ୍ତ ଚୌଧୁରୀ ପ୍ରମୁଖ ଯୋଗ ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
