ନୂଆଦିଲ୍ଲୀ: ଡଲାର ତୁଳନାରେ ଭାରତୀୟ ଟଙ୍କାରେ ଅବମୂଲ୍ୟାନ ଜାରି ରହିଥିବା ବେଳେ ଏପଟେ ଚମକିବାରେ ଲାଗିଛି ସୁନା। ୧୦ ଗ୍ରାମ୍ ସୁନା ମୂଲ୍ୟ ୨୮ ହଜାର ୫ ଶହ ଟଙ୍କା ହୋଇଛି। ଏକାଥରେ ଗୋଟିଏ ଦିନରେ ଏହି ମୂଲ୍ୟବାନ ଧାତୁରେ ୭ଶହ ଟଙ୍କା ବଢ଼ିଛି। ଚଳିତବର୍ଷ ପ୍ରଥମ ଥର ପାଇଁ ମଙ୍ଗଳବାର ଗୋଟିଏ ଦିନରେ ସୁନା ଏତେ ଟଙ୍କା ବଢ଼ିଛି। ଟଙ୍କା ଦୁର୍ବଳ ହେଉଥିବାରୁ ସୁନା ଆମଦାନୀ ବଢ଼ିଛି।
ତା’ସହ ବିବାହ ଋତୁର ଚାହିଦାକୁ ଦେଖି ଗହଣା ନିର୍ମାତାମାନେ ଅଧିକ ପରିମାଣର ସୁନା କିଣୁଥିବାରୁ ସୁନା ମୂଲ୍ୟ ଆକାଶଛୁଆଁ ହେବାରେ ଲାଗିଛି। ଗତ ୮ ଦିନ ଭିତରେ ସୁନା ମୂଲ୍ୟରେ ୧୦ ଗ୍ରାମ୍ ପିଛା ୮୧୦ ଟଙ୍କା ବଢି ସାରିଲାଣି। ବିଶ୍ୱ ବଜାରରେ ମଧ୍ୟ ସୁନାର ଆଉନ୍ସ ପିଛା ୧୨ ଶହ ଡଲାରରେ ପହଞ୍ଚିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।