ନୂଆଦିଲ୍ଲୀ: ଘରୋଇ ବଜାରରେ ଦେଶର ସର୍ବବୃହତ କାର ନିର୍ମାତା କମ୍ପାନୀ ମାରୁତୀ ସୁଜୁକୀ ଇଣ୍ଡିଆ(ଏମଏସଆଇ) ’ସେଦନ୍ ଡି ଜାୟାର’ କାରର ବିକ୍ରି ୧୦ ଲକ୍ଷକୁ ଟପିଛି। ୨୦୦୮ରେ ଭାରତୀୟ ବଜାରରେ ପ୍ରବେଶ କରିଥିବା ଏହି କାରକୁ ଲୋକେ ବେଶ୍ ପସନ୍ଦ କରୁଛନ୍ତି ବୋଲି ମାରୁତୀ ସୁଜୁକୀ ଇଣ୍ଡିଆ ପକ୍ଷରୁ କୁହାଯାଇଛି । ଲୋକଙ୍କ ଆଦୃତିକୁ ଆଖି ଆଗରେ ମାରୁତୀ ସ୍ୱିଫ୍ଟ ଡି ଜାୟାର ନୂଆ ମଡେଲ ଯଥା ଅଲଟୋ, ସ୍ୱିଫ୍ଟ ଓ ୱାଙ୍ଗନ୍ ଆରର ନିର୍ମାଣକୁ ବୃଦ୍ଧି କରିବା ନେଇ ବିଚାର ବିମର୍ଷ କରାଯାଉଛି ବୋଲି ଏହି ବହୁ ଦେଶୀୟ କମ୍ପାନୀ ପକ୍ଷରୁ କୁହାଯାଇଛି। କମ୍ପାନୀର ଏଜିକ୍ୟୁଟିଭ ନିର୍ଦ୍ଦେଶକ, ମାକେଟିଂ ଓ ସେଲ ମୁଖ୍ୟ ଆର.ଏସ. କଲସୀ କହିଛନ୍ତି, ଡିଜାୟାର ହେଉଛି ଏକ ସ୍ୱୟଂ ସମ୍ପୂର୍ଣ୍ଣ କାର। ଅତ୍ୟାଧୁନିକ ଶୈଳୀରେ ନିର୍ମିତ ହୋଇଥିବା ଏହି କାର ଭଲ ଯନ୍ତ୍ରାଶ ଓ ଭଲ ମାଇଲେଜ ପାଇଁ ଲୋକଙ୍କ ଆଦୃତି ପାଇଛି ବୋଲି ସେ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
