ଭୁବନେଶ୍ୱର: ଟେଲିକମ୍ ସେବା ପ୍ରଦାନକାରୀ କଂପାନୀ ଭାରତୀ ଏୟାର ଟେଲ୍ ଶୁକ୍ରବାର ଦେଶର ଆଉ ଚାରିଟି ସହରରେ ଚତୁର୍ଥ ପିଢ଼ି ବା ୪ଜି ସେବାକୁ ପରୀକ୍ଷାମୂଳକ ଭାବେ ଆରମ୍ଭ କରିଛି। ଏହି ସହରଗୁଡ଼ିକ ମଧ୍ୟରେ ରହିଛି ଓଡ଼ିଶାର ରାଉରକେଲା। ଅନ୍ୟ ତିନିଟି ସହର ହେଲା କର୍ଣ୍ଣାଟକର ଉଡ୍ପୀ ଓ ତୁମକୁର ଏବଂ ମଣିପାଲ। ଏହି ପରୀକ୍ଷା ବିଶେଷ ଭାବ ଏୟାର ଟେଲର ବର୍ତ୍ତମାନର ଗ୍ରାହକମାନଙ୍କୁ ନେଇ କରାଯାଉଛି। ଆଉ ଏହି ପରୀକ୍ଷଣ ଯୋଗୁ ଏବେ ଏହି ସହରରଗୁଡ଼ିକର ଏୟାର୍ ଟେଲ୍ ଗ୍ରାହକମାନେ ୩ଜିର ଦାମରେ ୪ଜି ସେବାର ଲାଭ ଉଠାଇ ପାରିବେ।
ଏହି ୪ଟି ସହର ସହିତ ଦେଶର ୪୪ଟି ସହରରେ ଏୟାର ଟେଲର ୪ଜି ସେବା ଆରମ୍ଭ ହୋଇଯାଇଛି। ସୂଚନାଯୋଗ୍ୟ, ୨୦୧୨ ଏପ୍ରିଲ ମାସରେ ପ୍ରଥମେ କୋଲକାତାରେ ଏୟାର ଟେଲ୍ ୪ଜି ସେବା ଆରମ୍ଭ କରିଥିଲା। ଓଡ଼ିଶାର କଟକ ଓ ଭୁବନେଶ୍ୱରରେ ମଧ୍ୟ କଂପାନୀ ତା’ର ୪ଜି ସେବାକୁ ପରୀକ୍ଷାମୂଳକ ଭାବେ ଆରମ୍ଭ କରି ସାରିଛି।
ଏୟାର ଟେଲ୍ ଘୋଷଣା କରିଛି ଯେ ୪ଜି ଡିଭାଇସ୍ ପାଇଁ ଏହା ସାମସଙ୍ଗ୍ ଓ ଫ୍ଲିପକାର୍ଟ ସହିତ ଭାଗିଦାରୀ କରିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
