ନୂଆଦିଲ୍ଲୀ: ଦକ୍ଷିଣ କୋରିଆ କମ୍ପାନୀ ସାମସଙ୍ଗ ଭାରତୀୟ ବଜାରରେ ଗୋଟିଏ ପରେ ଗୋଟିଏ ନୂଆ ଫୋନ୍ ଲଞ୍ଚ କରିବାରେ ଲାଗିଛି। ବୁଧବାର କମ୍ପାନୀ ନୂଆ Mସିରିଜ୍ର Galaxy M30 ଲଞ୍ଚ୍ କରିଥିଲା। ତେବେ ଗତକାଲି ପୁଣି A ସିରିଜର ୩ଟି ନୂଆ ମଡେଲ Galaxy A10, Galaxy A30 ଓ Galaxy A50 ଲଞ୍ଚ୍ କରିଛି। ସେତିକି ନୁହେଁ, କମ୍ପାନୀ ଆସନ୍ତା ସପ୍ତାହରେ S10 ସିରିଜ୍କୁ ମଧ୍ୟ ଲଞ୍ଚ୍ କରିବ।
କମ୍ପାନୀ Galaxy A50ର ୪ଜିବି ରାମ୍-୬୪ ଜିବି ଷ୍ଟୋରେଜ ଓ ୬ଜିବି ରାମ୍-୬୪ ଜିବି ଷ୍ଟୋରେଜ କ୍ଷମତା ରହିଛି। ଏହାର ମୂଲ୍ୟ ଯଥାକ୍ରମେ ୧୯ ହଜାର ୯୯୦ ଟଙ୍କା ଓ ୨୨ ହଜାର ୯୯୦ ଟଙ୍କା ରହିଛି। ସେହିପରି Galaxy A30ର ୪ଜିବି ରାମ୍ ଓ ୬୪ ଜିବି ଷ୍ଟୋରେଜ କ୍ଷମତା ରହିଛି ଯାହାର ବଜାର ମୁଲ୍ୟ ରହିଛି ୧୬ ହଜାର୯୯୦ ଟଙ୍କା । Galaxy A10 କଥା କହିଲେ ଏହା ଏକ ବଜେଟ ସ୍ମାର୍ଟଫୋନ୍। ଏହାର ମୂଲ୍ୟ କମ୍ପାନୀ ୮ ହଜାର ୪୯୦ ଟଙ୍କା ରଖିଛି। ଭାରତରେ Galaxy A50 ଓ Galaxy A30ର ବିକ୍ରି ମାର୍ଚ୍ଚ ୨ରୁ ଆରମ୍ଭ ହେବ। ସେହିପରି Galaxy A10ର ବିକ୍ରି ମାର୍ଚ୍ଚ ୨୦ରୁ ଆରମ୍ଭ ହେବ।
ସ୍ପେଶିଫିକେଶନ୍- Galaxy A50 ଓ Galaxy A30ରେ U ସେପ୍ର 6.4 ଇଞ୍ଚ୍ FHD+ (1080×2340) ସୁପରAMOLED ଇନ୍ଫିନିଟି-U ଡିସ୍ପ୍ଲେ ଦିଆଯାଇଛି। ସେହିପରି Galaxy A10ରେ 6.2ଇଞ୍ଚ୍ HD+ (720x1520)ଇନ୍ଫିନିଟି-V ଡିସ୍ପ୍ଲେ ପ୍ୟାନେଲ ରହିଛି। ପ୍ରୋସେସର କଥା କହିଲେ Galaxy A50ରେ ଅକ୍ଟାକୋର୍ Exynos 9610, Galaxy A30ରେ ଅକ୍ଟାକୋର୍ Exynos 7904 ଓ Galaxy A10ରେ ଅକ୍ଟାକୋର୍ Exynos 7884 ପ୍ରୋସେସର୍ ଦିଆଯାଇଛି।
କ୍ୟାମେରା କଥା କହିଲେ Galaxy A50ରେ ଟ୍ରିପଲ କ୍ୟାମେରା ସେଟପ୍ ରହିଛି। ଯେଉଁଥିରେ 25mp, 5mp, 8mpର କ୍ୟାମେରା ରହିଛି। ସେହିପରି Galaxy A30ରେ ୧୬mp ଓ 5mpର ଡୁଆଲ ରିୟର କ୍ୟାମେରା ସେଟ୍ଅପ୍ ରହିଛି। ସେହିପରି A10ରେ ୧୩mpର କ୍ୟାମେରା ଦିଆଯାଇଛି। ଫ୍ରଣ୍ଟ କ୍ୟାମେରା କଥା କହିଲେ A50 ଓ A30ରେ 25mpର କ୍ୟାମେରା ଥିବାବେଳେ A10ରେ 5mpର କ୍ୟାମେରା ଦିଆଯାଇଛି।
ସେହିଭଳି ବ୍ୟାଟେରୀ ଦେଖିବାକୁ ଗଲେ A50 ଓ A30ରେ 4,000mAh ଏବଂ A10ରେ 3,400mAhର ବ୍ୟାଟେରୀ ରହିଛି। ବଜାରରେ ଖୁବ୍ଶୀଘ୍ର Galaxy A50 ବ୍ଲ , ହ୍ୱାଇଟ୍ ଓ ବ୍ଲାକ୍ କଲର ଅପ୍ଶନ୍ରେ ମିଳିବ। ସେହିପରି Galaxy A10 ଓ A30 ରେଡ୍, ବ୍ଲ ଓ ବ୍ଲାକ୍ କଲରରେ ମିଳିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
