ଭୁବନେଶ୍ୱର: କୋର୍ଟରୁ ଚମ୍ପଟ୍ ଉଦ୍ୟମ, ତିନି ମହଲାରୁ ଡେଇଁ ଅଭିଯୁକ୍ତ ଗୁରୁତର

ଭୁବନେଶ୍ୱର: ଭୁବନେଶ୍ୱର କୋର୍ଟ ପରିସରରୁ ଚମ୍ପଟ ମାରିବାକୁ ଉଦ୍ୟମ କରି ମଙ୍ଗଳବାର ଜଣେ ଅଭିଯୁକ୍ତ ଆହତ ହୋଇଛି। ତା ନାଁ ଅଶୋକ ବେହେରା। ଏକ ମାମଲାରେ ଆଜି ତାକୁ କୋର୍ଟରେ ହାଜର କରାଯାଇଥିଲା। ତେବେ ସେ କୋର୍ଟ ପରିସରରୁ ଖସି ପଳାଇବାକୁ ଉଦ୍ୟମ କରି କୋର୍ଟର ତୃତୀୟ ମହଲାରୁ ତଳକୁ ଡେଉଁ ପଡ଼ିଥିଲା। ତାକୁ ଗୁରୁତର ଅବସ୍ଥାରେ କ୍ୟାପିଟାଲ୍ ହସ୍‌ପିଟାଲ୍‌ରେ ଭର୍ତ୍ତି କରାଯାଇଥିଲା। ତେବେ ଅବସ୍ଥାରେ ସୁଧାର ନ ଆସିବାରୁ ତାକୁ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି।