କଟକ: ଆନ୍ତଃରାଜ୍ୟ ଗାଡି ଚୋରି ରାକେଟର ପର୍ଦ୍ଦାଫାଶ କରିଛି କଟକ ଚାଉଳିଆଗଞ୍ଜ ପୋଲିସ। ଶୁକ୍ରବାର ସେମାନଙ୍କ ଠାରୁ ୪ଟି ବୋଲେରୋ ଗାଡି ଜବତ କରିଛି। ଏହି ଘଟଣାର ମୁଖ୍ୟ ଅଭିଯୁକ୍ତ ମନୋଜ ବାରିକ ଫେରାର ଥିବା ବେଳେ ଅନ୍ୟ ୨ ଅଭିଯୁକ୍ତଙ୍କୁ ଗିରଫ କରିଛି କମିଶନରରେଟ ପୋଲିସ। ପୋଲିସର ସୂଚନା ଅନୁଯାୟୀ ଏହି ଗ୍ୟାଙ୍ଗ ମୟୁରଭଞ୍ଜ, କେନ୍ଦୁଝର ଓ ବାଲେଶ୍ୱର ଅଞ୍ଚଳରୁ ଗାଡି ଚୋରି କରି ବିକ୍ରି କରୁଥିଲେ। କେନ୍ଦୁଝର ଆରଟିଓ ଅଫିସରୁ ଗାଡିଗୁଡିକର ଜାଲ କାଗଜପତ୍ର କରାଯାଉଥିଲା। ଗାଡି ଚୋରି ପରେ କଟକ ଶିଖରପୁରସ୍ଥିତ ଏକ ଗ୍ୟାରେଜରେ ଗାଡି ଗୁଡିକର ଚେଚିସ୍ ଓ ଇଞ୍ଜିନ୍ ନମ୍ୱର ବଦଳା ଯାଉଥିଲା। ଏହି ଖବର ପାଇ ଚାଉଳିଆଗଂଜ ପୋଲିସ ଗ୍ୟାରେଜରେ ଚଢାଉ କରିଥିଲା ବୋଲି ସୂଚନା ଦେଇଛନ୍ତି କଟକ ଡିସିପି ସଞ୍ଜିବ ଆରୋରା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।