ଢେଙ୍କାନାଳ: ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଆଜି ଜଣେ ବ୍ୟକ୍ତି ଜଣେ ଯୁବକଙ୍କ ମୃତଦେହକୁ ରଖି ଚମ୍ପଟ୍ ମାରିଥିବା ଅଭିଯୋଗ ହୋଇଛି। ମୃତ ଯୁବକଙ୍କ ନାଁ ଦେବଦତ୍ତ ବେହେରା। ତାଙ୍କ ଘର ଢେଙ୍କାନାଳ ସହରର ଜୁବୁଲି ଟାଉନ୍ରେ। ତାଙ୍କୁ ହତ୍ୟା କରାଯାଇଥିବା ନେଇ ତାଙ୍କ ପରିବାର ଲୋକେ ଟାଉନ୍ ଥାନାରେ ଅଭିଯୋଗ କରିଛନ୍ତି।
ଆଜି ସକାଳ ପ୍ରାୟ ସାଢ଼େ ଦଶଟା ବେଳେ ଜଣେ ଅଜଣା ବ୍ୟକ୍ତି ଦେବଦତ୍ତଙ୍କୁ ଏକ ଅଟୋରେ ଡାକ୍ତରଖାନାକୁ ଆଣିଥିଲେ। ଡାକ୍ତର ତାଙ୍କୁ ଚିକିତ୍ସା କରୁଥିବା ବେଳେ ଉକ୍ତ ବ୍ୟକ୍ତି ଜଣଙ୍କ ସେଠାରୁ ଛୁ ହୋଇଯାଇଥିଲେ। ଦେବଦତ୍ତଙ୍କୁ ସେଠାରେ ଉପସ୍ଥିତ କିଛି ଯୁବକ ଚିହ୍ନି ପାରି ତାଙ୍କ ଘର ଲୋକଙ୍କ ସହିତ ପୋଲିସ୍କୁ ସୂଚନା ଦେଇଥିଲେ।
ସୁରଜଙ୍କ ପରିବାର ଲୋକଙ୍କ କହିବା ଅନୁଯାୟୀ ସେ ଗତକାଲି ଅପରାହ୍ନ ଗୋଟାଏ ବେଳେ ଘରୁ କେଉଁ ଆଡ଼େ ଯାଇଥିଲେ ଓ ଆଉ ଫେରି ନ ଥିଲେ। ତାଙ୍କୁ ଯୋଜନାବଦ୍ଧ ଭାବେ ହତ୍ୟା କରାଯାଇଥିବା ସେ ଅଭିଯୋଗ କରିଛନ୍ତି। ଟାଉନ୍ ଥାନା ପୋଲିସ୍ ଘଟଣାର ତଦନ୍ତ କରୁଛି।