ଡାକ୍ତର ଶ୍ୱେତପଦ୍ମା ମିଶ୍ର ମୃତ୍ୟୁ ଘଟଣା: ପୋଲିସକୁ ମିଳିଲା ପୋଷ୍ଟମର୍ଟମ୍ ରିପୋର୍ଟ, ଛାତରୁ ପଡ଼ି ମୃତ୍ୟୁ

ଭୁବନେଶ୍ୱର: ଡାକ୍ତର ଶ୍ୱେତପଦ୍ମା ମିଶ୍ରଙ୍କ ମୃତ୍ୟୁର ପୋଷ୍ଟମର୍ଟମ ରିପୋର୍ଟ ପୋଲିସର ହସ୍ତଗତ ହୋଇଛି। ଛାତରୁ ପଡିବା ଯୋଗୁଁ ଶକ୍ତ ଧକ୍କା ଓ ଶରୀରରେ ଏକାଧିକ ଆଘାତ ଯୋଗୁଁ ତାଙ୍କର ମୃତ୍ୟୁ ହୋଇଥିବା ରିପୋର୍ଟରେ ଉଲ୍ଲେଖ ରହିଛି। ତେବେ ଏ ସବୁ ତଥ୍ୟ ସହ ସିସିଟିଭି ଫୁଟେଜ୍ ପ୍ରମାଣକୁ ଦେଖି ଡାକ୍ତର ଶ୍ୱେତପଦ୍ମା ମିଶ୍ର ଆତ୍ମହତ୍ୟା କରିଥାଇ ପାରନ୍ତି ବୋଲି ପୋଲିସ ସୂଚନା ଦେଇଛି।

ତେବେ ଶ୍ୱେତପଦ୍ମାଙ୍କ ପରିବାର ଲୋକଙ୍କ ଅଭିଯୋଗକୁ ଭିତ୍ତିକରି ସେ ଦିଗରେ ମଧ୍ୟ ତଦନ୍ତ ଚାଲୁ ରହିଥିବା ଭୁବନେଶ୍ୱର ଡିସିପି ସତ୍ୟବ୍ରତ ଭୋଇ ସୂଚନା ଦେଇଛନ୍ତି। ଗତ ୬ ତାରିଖରେ ଭୁବନେଶ୍ୱର ସହିଦନଗର ସ୍ଥିତ ଏକ ଆପାର୍ଟମେଣ୍ଟର ୮ ମହଲା ଉପରୁ ଡେଇଁ ଡାକ୍ତର ଶ୍ୱେତପଦ୍ମା ମିଶ୍ରଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା। ଶ୍ୱେତପଦ୍ମାଙ୍କ ବାପଘର ଲୋକେ ଏହା ପଛରେ ଯୌତୁକ କାରଣ ଥିବା ଅଭିଯୋଗ ଆଣିବା ସହ ଏ ନେଇ ସହିଦ ନଗର ଥାନାରେ ଏତଲା ଦେଇଥିଲେ। ଅନ୍ୟପକ୍ଷରେ ଶ୍ୱେତପଦ୍ମାଙ୍କ ସ୍ୱାମୀ  ଡାକ୍ତର ଅରଜିତ ମହାପାତ୍ର ଏହି ଅଭିଯୋଗକୁ ଖଣ୍ଡନ କରିଥିଲେ।