କେନ୍ଦ୍ରାପଡ଼ା: ଡକାୟତି ଯୋଜନା ବେଳେ ୨ ଅପରାଧୀ ଗିରଫ

କେନ୍ଦ୍ରାପଡ଼ା: କେନ୍ଦ୍ରାପଡ଼ା ଜିଲ୍ଲା ଚାନ୍ଦୋଳର ଆନୁଆପଡ଼ା ଠାରେ ଶନିବାର ବିଳମ୍ବିତ ରାତିରେ ଡକାୟତି ଯୋଜନା କରୁଥିବା ବେଳେ ୨ଜଣ ଦୁର୍ବୃତ୍ତଙ୍କୁ ପୋଲିସ୍ ଗିରଫ କରି କୋର୍ଟ ଚାଲାଣ କରିଛି। ଅଭିଯୁକ୍ତମାନେ ହେଲେ ଆନୁଆପଡ଼ା ଗ୍ରାମର ଉମେଶ ସାହୁ ଓ ଖୋର୍ଦ୍ଧା ଜଙ୍କିଆ ଅଞ୍ଚଳର ଏସକେ ସୁଲେମାନ। ତାଙ୍କ ନିକଟରୁ  ଗୋଟିଏ ବନ୍ଧୁକ, ୫ ରାଉଣ୍ଡ ଗୁଳି  ଓ ଗୋଟିଏ ବାଇକ ଜବତ କରାଯାଇଛି। ଏ ନେଇ କେନ୍ଦ୍ରାପଡ଼ା ସଦର ଥାନାରେ ନଂ. ୮୭/ ୨୦୧୬ରେ ଏକ ମାମଲା ରୁଜୁ କରାଯାଇଛି। ଚଢାଉବେଳେ ଘଟଣାସ୍ଥଳରୁ ଆଉ ୫ଜଣ ଦୁର୍ବୃତ୍ତ ଖସିଯିବାକୁ ସକ୍ଷମ ହୋଇଛନ୍ତି।

କେନ୍ଦ୍ରାପଡ଼ା ଏସଡିପିଓ ପୂର୍ଣ୍ଣ ଚନ୍ଦ୍ର ପ୍ରଧାନ କହିଛନ୍ତି,“ଦୁର୍ବୃତ୍ତମାନେ ନୟାଗଡ଼, ଖୋର୍ଦ୍ଧା, ପୁରୀ, ଯାଜପୁର, ଜଗତସିଂହପୁର ଓ କେନ୍ଦ୍ରାପଡ଼ା ଆଦି ଜିଲ୍ଲାରେ ୨୦ରୁ ଅଧିକ ଡକାୟତି, ରାହାଜାନୀ ଓ ଲୁଟ୍‌ ଭଳି ଅପରାଧିକ ମାମଲା ଘଟାଇଥିବା ଜଣାପଡିଛି।”