ରାୟଗଡ଼ା: ରାୟଗଡ଼ା ଜିଲ୍ଲା ବିଷମକଟକ ଥାନା ଘଣ୍ଟିଖାଲ ଗାଁର ଭରତ ହୁଇକାଙ୍କ ଟାଙ୍ଗିଆ ଚୋଟରେ ସାଧୁ ହୁଇକା ଗୁରୁତର ଆହତ ହୋଇଛନ୍ତି। ଏନେଇ ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରି ଭରତକୁ ଅଟକ ରଖି ତଦନ୍ତ ଆରମ୍ଭ କରିଛି।
ଘଣ୍ଟିଖାଲ ଗାଁରେ ଭରତଙ୍କ ଘରକୁ ସାଧୁ ଯାଇଥିଲେ। ଏହି ସମୟରେ ଭରତ ଏକ ଟାଙ୍ଗିଆରେ ତାଙ୍କୁ ଆକ୍ରମଣ କରିଥିଲେ। ଆକ୍ରମଣରେ ସାଧୁଙ୍କ ଛାତି, ପେଟ ଓ ପିଠିରେ ଗଭୀର କ୍ଷତ ସୃଷ୍ଟି ହୋଇଛି। ସ୍ଥାନୀୟ ଲୋକେ ସାଧୁଙ୍କୁ ଖ୍ରୀଷ୍ଟିଆନ୍ ହସ୍ପିଟାଲରେ ଭର୍ତ୍ତି କରିଥିଲେ।