ଭୁବନେଶ୍ୱର: ରାଉରକେଲାରୁ ଗିରଫ ୫ ସିମି ଆତଙ୍କବାଦୀଙ୍କ ପାକିସ୍ତାନ ଲିଙ୍କ ନେଇ ତଦନ୍ତ ଆଜିଠାରୁ ଆରମ୍ଭ ହୋଇଛି। ରିସର୍ଚ୍ଚ ଆଣ୍ଡ ଆନାଲିସିସ୍ ୱିଙ୍ଗ (ର)ର ସ୍ୱତନ୍ତ୍ର ଟିମ୍ ଆଜି ଏହି ଆତଙ୍କବାଦୀଙ୍କ ପାକିସ୍ତାନର ଆଇଏସ୍ଆଇ ଲିଙ୍କ ନେଇ ପଚରାଉଚରା ଆରମ୍ଭ କରିଛି। ଗିରଫ ଆତଙ୍କବାଦୀ ମେହବୁବ ଓରଫ ଗୁଡୁ ନିକଟରୁ ଜଣେ ହିନ୍ଦୁ ବ୍ୟକ୍ତି ନାମଧାରୀଙ୍କ ପ୍ୟାନ କାର୍ଡ ମିଳିଛି। ରାଞ୍ଚିରେ ଏହି କାର୍ଡ ପ୍ରସ୍ତୁତ ହୋଇଛି। ଝାରଖଣ୍ଡ ପୋଲିସର ଟିମ୍ ଏ ନେଇ ମେହବୁବ୍ଙ୍କୁ ପଚରାଉଚରା କରୁଛି। ସେହିଭଳି ଆତଙ୍କବାଦୀଙ୍କ କଲ୍ ଡିଟେଲ୍ସରୁ ସେମାନେ କୋଲ୍କୋତା ବାରମ୍ବାର ଯାଉଥିବା ଜଣାପଡିଛି। ଏ ନେଇ ପଶ୍ଚିମବଙ୍ଗରୁ ଆସିଥିବା ପୋଲିସ ଅଧିକାରୀମାନେ ଜେରା କରୁଛନ୍ତି।
ସେହିଭଳି ରାଉରକେଲାରେ ଆତଙ୍କବାଦୀଙ୍କୁ ସହାୟତା କରିଥିବା ବ୍ୟକ୍ତି ଝାରଖଣ୍ଡର ବୋଲି ଜଣାପଡିଛି। ତେଣୁ କ୍ରାଇମବ୍ରାଞ୍ଚ ଏସ୍ଟିଏଫ୍ର ଏକ ଟିମ୍ ତଦନ୍ତ ଲାଗି ଝାରଖଣ୍ଡ ଯିବ ବୋଲି ଜଣେ ବରିଷ୍ଠ ଅଧିକାରୀ କହିଛନ୍ତି। ପୂର୍ବରୁ ବିଭିନ୍ନ ଲ୍ୟାବକୁ ପଠାଯାଇଥିବା ଜିନିଷର ଯାଞ୍ଚ ଶେଷ ହୋଇଛି। ଆସନ୍ତା ୩ରୁ୪ ଦିନ ମଧ୍ୟରେ ରିପୋର୍ଟ ଆସିବ ବୋଲି ଆଶା କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
