ଭୁବନେଶ୍ୱର: ଭୁବନେଶ୍ୱର ସାଲିଆ ସାହିରେ ଅଳିଆ ସଫା କରିବାକୁ ଯାଇଥିବା ବିଏମସି ସଫେଇ କର୍ମଚାରୀଙ୍କୁ ବୁଧବାର ତାରରେ ବାନ୍ଧି କିଛି ଅସାମାଜିକ ଯୁବକ ମାଡ଼ ମାରିଥିବା ଅଭିଯୋଗ ହୋଇଛି। ଏହି ଘଟଣାରେ ୪ଜଣଙ୍କୁ ଗିରଫ କରିଛି ନୟାପଲ୍ଲୀ ପୋଲିସ। ରାସ୍ତା ଉପରେ ଥିବା ଅଳିଆ ଗାଡିକୁ ସାଇଡ କରିବାକୁ କେନ୍ଦ୍ର କରି ଏହି ଯୁବକମାନେ ପାଟିତୁଣ୍ଡ ହୋଇଥିଲା। ସ୍ଥାନୀୟ ଅଞ୍ଚଳର କିଛି ଅସାମାଜିକ ଯୁବକ ବିଏମସି କର୍ମଚାରୀଙ୍କୁ ପ୍ରଥମେ ଘେରି ଯାଇଥିଲେ। ପରିସ୍ଥିତି ଅଣାୟତ ହେବାରୁ ସ୍ଥାନୀୟ କର୍ପୋରେଟର ଓ ନୟାପଲ୍ଲୀ ପୋଲିସ ଘଟଣାସ୍ଥଳରେ ପହଞ୍ଚିଥିଲେ। ତେବେ ଅସାମାଜିକ ଯୁବକଙ୍କ ଆଗରେ ପୋଲିସ ନୀରଦ୍ରଷ୍ଟା ପାଲଟି ଥିଲା। ପ୍ରାୟ ୧ ଘଣ୍ଟା ପରେ ପୋଲିସ ସଫେଇ କର୍ମଚାରୀଙ୍କୁ ଉଦ୍ଧାର କରିଥିଲେ। ଅନ୍ୟପକ୍ଷରେ ମାଡ ମାରିଥିବା ଅନ୍ୟ ଅଭିଯୁକ୍ତଙ୍କୁ ଖୋଜୁଛି ପୋଲିସ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
