ବଲାଙ୍ଗିର: ବଲାଙ୍ଗିର ଜିଲ୍ଲା ଦେଓ ଗାଁ ବ୍ଲକ୍ ବନ୍ଧପାଲି ଗାଁରେ ଆଜି ଅଗ୍ନିକାଣ୍ଡ ଘଟି ୪୦ଟି ପରିବାରର ୬୦ବଖରା ଘର ପୋଡ଼ି ପାଉଁଶ ହୋଇଯାଇଛି। ଅଗ୍ନିକାଣ୍ଡ ଯୋଗୁଁ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି। ବଲାଙ୍ଗିର ଓ ଦେଓ ଗାଁରୁ ୪ଟି ଦମକଳ ବାହିନୀ ଆସି ନିଆଁକୁ ଆୟତ୍ତ କରିଥିଲେ। ଅଗ୍ନିକାଣ୍ଡର କାରଣ ଜଣାପଡ଼ିନି।
ଜିଲ୍ଲା ପ୍ରଶାସନ ପକ୍ଷରୁ ଅଗ୍ନିବିପନ୍ନଙ୍କୁ ରନ୍ଧାଖାଦ୍ୟ ଯୋଗାଇ ଦିଆଯାଇଛି। ଘଟଣାସ୍ଥଳରେ ବଲାଙ୍ଗିର ଉପ ଜିଲ୍ଲାପାଳ, ଦେଓ ଗାଁ ବିଡ଼ିଓ, ତହସିଲଦାର ଓ ବିଭିନ୍ନ ଦଳୀୟ ନେତା ପହଞ୍ଚି ଅଗ୍ନବିପନ୍ନଙ୍କୁ ସାହାଯ୍ୟ କରିଛନ୍ତି। ଅଗ୍ନି ବିପନ୍ନମାନଙ୍କୁ ଆବଶ୍ୟକ ସୁବିଧା ସୁଯୋଗ ଯୋଗାଇ ଦିଆଯିବ ବୋଲି ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
