କଲ୍ୟାଣସିଂହପୁର: ରାୟଗଡ଼ା ଜିଲ୍ଲା ପାରସଲି ପଞ୍ଚାୟତର ତିନୋଟି ଗାଁରେ ସୋମବାର ସକାଳେ ମାଓ ପୋଷ୍ଟର ଦେଖିବାକୁ ମିଳିଥିଲା। ୩ଟି ଗାଁର ୮ଟି ସ୍ଥାନରେ ମାଓବାଦୀମାନେ ପୋଷ୍ଟର ଲଗାଇଥିଲେ। ପଞ୍ଚାୟତ କାର୍ଯ୍ୟାଳୟ ସମେତ ୫ଟି ସ୍ଥାନରେ ମାଓ ପୋଷ୍ଟର ଲାଗିଥିଲା।
ଜିଲ୍ଲାପାଳ ଓ ଏସପିଙ୍କୁ ବିରୋଧ କରିବା ସହ ଅଞ୍ଚଳର ତିନି ଜଣ ଲୋକଙ୍କୁ ମାଓବାଦୀମାନେ ଏହି ପୋଷ୍ଟରଗୁଡ଼ିକ ଜରିଆରେ ଧମକ ଦେଇଥିଲେ। ନିୟମଗିରିରେ ପୁନର୍ବାର ପଲ୍ଲୀସଭା କରିବାକୁ ସରକାର ଯୋଜନା କରିଛନ୍ତି, ତାହାକୁ ମଧ୍ୟ ମାଓବାଦୀମାନେ ବିରୋଧ କରୁଥିବା ନେଇ ପୋଷ୍ଟରଗୁଡ଼ିକରେ ଉଲ୍ଲେଖ କରିଛନ୍ତି। ସ୍ଥାନୀୟ ପୋଲିସ ପୋଷ୍ଟରକୁ ଜବତ କରି ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।