କୋଣାର୍କ: ଡାକ୍ତର ଅଭାବରୁ ରୋଗୀ ହନ୍ତସନ୍ତ। ବିଶ୍ୱ ପ୍ରସିଦ୍ଧ ଐତିହାସିକ ପର୍ଯ୍ୟଟନସ୍ଥଳୀ କୋଣାର୍କ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଦୀର୍ଘ ଦିନ ଧରି ଲାଗି ରହିଛି ଏ ସମସ୍ୟା। ହସ୍ପିଟାଲରେ ୩ଟି ଡାକ୍ତର ପଦବି ରହିଥିଲେ ବି ଜଣେ ହେଲେ ସ୍ଥାୟୀ ଡାକ୍ତର ନାହାନ୍ତି। ଫଳରେ କୋଣାର୍କ ଏନ୍ଏସିର ୧୩ଟି ୱାର୍ଡ ସମେତ ଆଖପାଖ ୬ଟି ପଞ୍ଚାୟତର ଲୋକେ ଅସୁବିଧାର ସମ୍ମୁଖୀନ ହେଉଛନ୍ତି। ଡାକ୍ତର ଓ କର୍ମଚାରୀ ଅଭାବରୁ ଡାକ୍ତରଖାନାର ଅଧିକାଂଶ ବିଭାଗରେ ତାଲା ଝୁଲୁଛି। ସେପଟେ ନବକଳେବର ସମୟରେ ୫ କୋଟି ଟଙ୍କା ବ୍ୟୟରେ ନିର୍ମିତ ୩୦ ଶଯ୍ୟା ବିଶିଷ୍ଟ ଶିଶୁ ଓ ମାତୃ ମଙ୍ଗଳ ଡାକ୍ତରଖାନା ମଧ୍ୟ ଏଯାଏଁ ଉଦଘାଟିତ ହୋଇପାରନି। ତୁରନ୍ତ ସମସ୍ୟା ଦୂର କରାନଗଲେ ଆଗମୀ ଦିନରେ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛି କୋଣାର୍କ ସୁରକ୍ଷା ସମିତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।