ଭାଲୁ ଆକ୍ରମଣରେ ଜଣେ ଗୁରୁତର

ଫୁଲବାଣୀ: ବୌଦ୍ଧ ଜିଲ୍ଲା ମହାଲିକପଡ଼ାର ବିଶ୍ଵନାଥ ବେହେରା ନାମକ ଜଣେ ବ୍ୟକ୍ତି ଗାଁ ନିକଟସ୍ଥ ଆଙ୍କୁଲ ଜଙ୍ଗଲକୁ କେନ୍ଦୁପତ୍ର ତୋଳିବାକୁ ଯାଇଥିବା ବେଳେ ଭାଲୁ ଆକ୍ରମଣର ଶିକାର ହୋଇ ଗୁରୁତର ହୋଇଛନ୍ତି। ତାଙ୍କୁ ଫୁଲବାଣୀ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି।

ସେ ଏବଂ ତାଙ୍କ ସ୍ତ୍ରୀ ଜଙ୍ଗଲକୁ କେନ୍ଦୁପତ୍ର ତୋଳିବାକୁ ଯାଇଥିବା ବେଳେ ଅଚାନକ ଏକ ଭାଲୁ ଆକ୍ରମଣ କରିଥିଲା। ଭାଲୁଟି ସହିତ ତା’ର ଦୁଇଟି ଛୁଆ ମଧ୍ୟ ଥିଲେ। ଭାଲୁ ବିଶ୍ଵନାଥଙ୍କ ପିଠି, ହାତକୁ କାମୁଡି କ୍ଷତାକ୍ତ କରି ଦେଇଛି।