ସମ୍ୱଲପୁର: ସମ୍ୱଲପୁର ଲପଙ୍ଗା ସ୍ଥିତ ଆଦିତ୍ୟ ଆଲୁମିନିୟମ ପ୍ରକଳ୍ପରେ ଜମିହରାଙ୍କୁ ନିଯୁକ୍ତି, ଜମି ଅଧିଗ୍ରହଣ ବାବଦ ସମସ୍ତ ବକେୟା ରାଶି ପ୍ରଦାନ ସମେତ ୫ ଦଫ। ଦାବିରେ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ଆମରଣ ଅନଶନରେ ବସିଛନ୍ତି ପ୍ରକଳ୍ପ ପ୍ରଭାବିତ ଲୋକ। ପ୍ରାୟ ୬ ଟି ପଞ୍ଚାୟତର କ୍ଷତିଗ୍ରସ୍ତ ୩ ଶହ ପରିବାର ଅନଶନରେ ସାମିଲ ହୋଇଛନ୍ତି। ଏଥିରେ ଲପଙ୍ଗ।, ବମାଲୋଇ, କତରବଗା, ଜଙ୍ଗଲା, ଘିଚାମୁରା ଓ ନିଶାନଭଙ୍ଗ। ଗ୍ରାମ ପଞ୍ଚାୟତର ପ୍ରଭାବିତ ଲୋକେ ଏଥିରେ ସାମିଲ ହୋଇଛନ୍ତି। ଗତ ବର୍ଷ ମଧ୍ୟ ସମାନ ଦାବି ନେଇ ଗାଁଲୋକେ ଧାରଣା ଦେଇଥିଲେ। କମ୍ପାନୀ କର୍ତ୍ତୃପକ୍ଷରୁ ଦିଆଯାଇଥିବା ଲିଖିତ ପ୍ରତିଶୃତିକୁ ଏକ ବର୍ଷ ବିତିଥିଲେ ମଧ୍ୟ ପ୍ରତିଶୃତି ପାଳନ ନ ହେବାରୁ ପୁଣି ଅନଶନକୁ ଓହ୍ଲାଇଛନ୍ତି ଲୋକେ। ତେବେ କମ୍ପାନୀ କର୍ତ୍ତୃପକ୍ଷ କିମ୍ୱା ଜିଲ୍ଲା ପ୍ରଶାସନ ପକ୍ଷରୁ କେହି ଅନଶନସ୍ଥଳକୁ ଆସି ନାହାନ୍ତି କିମ୍ୱା କୌଣସି ଆଲୋଚନା କରିନାହାନ୍ତି ଅନଶନକାରୀ ଗାଁର ଲକ୍ଷ୍ମୀକାନ୍ତ ଷଣ୍ଢ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।