ମୁମ୍ବାଇ: ଲାଗୁଛି ଶେଷରେ ସିନେପ୍ରେମୀଙ୍କ ସ୍ୱପ୍ନ ପୂରଣ ହେବ! ସିଲ୍ଭର୍ ସ୍କ୍ରିନ୍ରେ ତିନି ଖାନ୍- ଶାହାରୁଖ୍, ଆମୀର ଓ ସଲମାନଙ୍କୁ ଏକାଠି ଦେଖିପାରିବେ! ସିନେପ୍ରେମୀଙ୍କ ଏ ସ୍ୱପ୍ନକୁ ସତ କରିବାକୁ ଯାଉଛନ୍ତି ନିର୍ଦ୍ଦେଶକ ଆଶୁତୋଷ ଗୋୱାରିକର। ସେ ନିଜେ ଟ୍ୱିଟ୍ କରି ଏକଥା କହିଛନ୍ତି।
ସେ ଟ୍ୱିଟ୍ କରିଛନ୍ତି,“ଏହା ଆନୁଷ୍ଠାନିକ!!! ଏହା ଏବେ କୁହାଯାଇପାରିବ। ମୋ ଆଗାମୀ ଫିଲ୍ମରେ ତିନି ଖାନ୍- ଆମୀର, ସଲମାନ ଓ ଶାହାରୁଖ ଏକାଠି କାମ କରିବେ ଏବଂ ଫିଲ୍ମର ନାଁ? କେହି ଅନୁମାନ ଲଗାଇ ପାରିବେ?”
https://twitter.com/AshGowariker/status/848045857681231872
ଠିକ୍ ଏହା ପରେ ସେ ଆଉ ଏକ ଟ୍ୱିଟ୍ କରିଛନ୍ତି। ସେଥିରେ ଲେଖା ଅଛି- ରାଗନ୍ତୁ ନାହିଁ! ଯଦି ମଜାକ୍ ଭଲ ଲାଗିଲାନି, ତା’ହେଲେ କ୍ଷମା କରି ଦେବେ? ଏଇଟା ସମ୍ଭବ ହେଲେ ବଢ଼ିଆ ହୁଅନ୍ତା! ଏପ୍ରିଲ୍ ଫୁଲ୍ ଦିବସରେ ଟିକେ ମଜା କରୁଥିଲି।”
https://twitter.com/AshGowariker/status/848061047671889920
ଏବେ ଆପଣମାନେ ବୁଝିଯିବେଣି ପୂରା ଘଟଣା। ଏଭଳି କରି ଏକ ଭିନ୍ନ ଢଙ୍ଗରେ ସମସ୍ତଙ୍କୁ ଏପ୍ରିଲ୍ ଫୁଲ୍ କରିଛନ୍ତି ଆଶୁତୋଷ।