ମୁମ୍ବାଇ: ଶାଢ଼ି ପ୍ରତି ବଲିଉଡ୍ ଅଭିନେତ୍ରୀ କଙ୍ଗନା ରାନାୱତ୍ଙ୍କର କୁଆଡ଼େ ଅହେତୁକ ଦୁର୍ବଳତା ରହିଛି। ଚାରି ଦିନ ତଳେ ତାଙ୍କର ଏକ ଶାଢ଼ି ପିନ୍ଧା ଫଟୋ ସୋଶାଲ୍ ମିଡିଆରେ ଦେଖିବାକୁ ମିଳିଥିଲା। ସେ ମୁମ୍ବାଇରୁ ଜୟପୁର ଅଭିମୁଖେ ଯାଉଥିବା ବେଳେ ବିମାନବନ୍ଦରରେ ଏହି ଫଟୋ ଉଠା ଯାଇଥିଲା।
କଙ୍ଗନାଙ୍କ ଭଉଣୀ ତଥା ମ୍ୟାନେଜର୍ ଏହି ଫଟୋଟିକୁ ଟ୍ୱିଟ୍ କରିଥିଲେ ଓ ସେହି ଶାଢ଼ି ସମ୍ପର୍କରେ ଅଧିକ ସୂଚନା ଦେଇଥିଲେ। ତାଙ୍କ ସୂଚନା ଅନୁଯାୟୀ, କଙ୍ଗନା ପିନ୍ଧିଥିବା ଉକ୍ତ ଶାଢ଼ିର ଦାମ୍ ମାତ୍ର ୬୦୦ ଟଙ୍କା। ସେ ଏହାକୁ କୋଲକାତାରୁ କିଣି ଥିଲେ। ଏହି ସୁନ୍ଦର ଅର୍ଗାନିକ୍ କଟନ୍ ଶାଢ଼ିର ଦାମ୍ ଏତେ କମ୍ ହୋଇଥିବାରୁ ସେ ଆଶ୍ଚର୍ଯ୍ୟ ହୋଇଥିଲେ। ସେହିପରି ଖୁବ୍ ପରିଶ୍ରମ କରି ଏମିତି ଶାଢ଼ି ବୁଣୁଥିବା ଲୋକଙ୍କ ବିଷୟରେ ଭାବି ଦୁଃଖିତ ବି ହୋଇଥିଲେ।
On her way to Jaipur today Kangana is wearing Rs 600 sari she picked from Kolkata, she was shocked to know one can get such good organic cotton in this amount and it is heart breaking to see how hard our people work and how little they earn.....(contd) pic.twitter.com/EMPJJ4hzzU
— Rangoli Chandel (@Rangoli_A) August 18, 2019
ଏହି ପୋଷ୍ଟ୍ ଦେଖିବା ପରେ କିଛି ଲୋକ କଙ୍ଗନାଙ୍କୁ ପ୍ରଶଂସା କରିଥିଲେ। କାରଣ ଜଣେ ବଡ଼ ଷ୍ଟାର୍ ହୋଇ ମଧ୍ୟ ସେ ୬୦୦ ଟଙ୍କାର ଶାଢ଼ି ପିନ୍ଧିବାକୁ ପସନ୍ଦ କରିଥିଲେ।
୬୦୦ ଟଙ୍କାର ଶାଢ଼ି ସହିତ ୨.୩୦ ଲକ୍ଷ ଟଙ୍କାର ହ୍ୟାଣ୍ଡବ୍ୟାଗ୍ ଦେଖି ଲୋକେ ଏହାକୁ ହଜମ କରି ପାରି ନଥିଲେ। ଜଣେ ଟ୍ୱିଟର୍ ୟୁଜର ଲେଖିଥିଲେ, ୬୦୦ ଟଙ୍କାର ଶାଢ଼ି ସହିତ ପ୍ରାଡା ବ୍ୟାଗ୍ କାହିଁକି। ଏହା କେବଳ ଦେଖେଇ ହେବା ପାଇଁ। ଅନ୍ୟ ଜଣେ ତାଙ୍କ ଉଦ୍ଦେଶ୍ୟରେ ‘ଡବଲ୍ ଷ୍ଟାଣ୍ଡାର୍ଡ’ ବ୍ୟବହାର କରିଥିଲେ। ସେହିପରି ଜଣେ ୟୁଜର କଙ୍ଗନାଙ୍କ ଭଉଣୀଙ୍କୁ ମିଛେଇ ବୋଲି କହିଥିଲେ।