ରାଗିଣୀଙ୍କ ସିନ୍ଥିର ସିନ୍ଦୂର ଦେଲେ ନିର୍ଦ୍ଦେଶକ ବିକ୍ରମ ଶଙ୍କର

ଭୁବନେଶ୍ୱର (ଓଡ଼ିଶା ରିପୋର୍ଟର): ହାତକୁ ଦି’ ହାତ ହେଲେ ଓଲିଉଡ୍‌ର ଚୁଲ୍‌ବଲି ଷ୍ଟାଇଲିଷ୍ଟ୍‌ ନାୟିକା ରାଗିଣୀ ସୁତ୍ରଧର। ସେ ବିବାହ ବନ୍ଧନରେ ବାନ୍ଧି ହୋଇ ଯାଇଛନ୍ତି। ଗୋଆର ଚଳଚ୍ଚିତ୍ର ନିର୍ଦ୍ଦେଶକ ବିକ୍ରମ ଶଙ୍କରଙ୍କୁ ସେ ବିବାହ କରିଛନ୍ତି। ଉଭୟ ପରିବାର ସଦସ୍ୟ ଓ ବନ୍ଧୁବାନ୍ଧବଙ୍କ ଉପସ୍ଥିତି ବିବାହ ସମ୍ପନ୍ନ ହୋଇଛି।

Ragini Sutradhar

ବିବାହ ପୂର୍ବରୁ ହୋଇଥିଲା ରଙ୍ଗାରଙ୍ଗ ସଂଗୀତ କାର୍ଯ୍ୟକ୍ରମ। ଏଥିରେ ବହୁ ଜଣାଶୁଣା ଅଭିନେତା ଓ ଅଭିନେତ୍ରୀ ଯୋଗଦେଇ ଧୁମ୍‌ ମଚାଇଥିଲେ। ରାଗିଣୀ ଧଳା ରଙ୍ଗର ଲେହେଙ୍ଗାରେ ଗର୍ଜିୟସ୍‌ ଲାଗୁଥିଲେ। ଆଉ ବିକ୍ରମ ନୀଳ ରଙ୍ଗର ସେରୱାନୀ ପରିଧାନ ହ୍ୟାଣ୍ଡସମ୍‌ ଲାଗୁଥିଲେ। ସଙ୍ଗୀତ ସେରେମନୀ ଯୋଗଦେବା ପରେ ରାଗିଣୀ ନିଜ ଇନ୍‌ଷ୍ଟାରେ ଦୁଇଟି ଫଟୋ ସେୟାର କରିଥିଲେ। ଆଉ ସେହି ଫଟୋରେ ଲେଖିଥିଲେ, ଜୀବନର ନୂଆ ଯାତ୍ରା ଆରମ୍ଭ କରିବାକୁ ଯାଉଥିବାରୁ ସମସ୍ତଙ୍କ ସ୍ନେହ ଓ ଆଶୀର୍ବାଦ ଲୋଡୁଛି। ରାଗିଣୀଙ୍କ ଏହି କେଇପଦ କଥା ତାଙ୍କ ପ୍ରଶଂସକଙ୍କ ଦିଲ୍‌ କିଣି ନେଇଛି। ପ୍ରଶଂସକମାନେ ତାଙ୍କୁ ମନଭରି ପ୍ରଶଂସା କରିଛନ୍ତି।

 

Ragini Sutradhar

ରାଗିଣୀଙ୍କ ଫିଲ୍ମ କ୍ୟାରିୟର ୨୦୧୨ ମସିହାରେ ଆରମ୍ଭ ହୋଇଥିଲା। ସେ ପ୍ରଥମେ ବଙ୍ଗଳା ଫିଲ୍ମ ‘ଏକ ତୁକୁ ଛୋୟା ଲାଗେ’ ଫିଲ୍ମରୁ ଅଭିନୟ ଜୀବନ ଆରମ୍ଭ କରିଥିଲେ। ତା’ପରେ ଓଲିଉଡ୍‌ ମୁହାଁ ହୋଇଥିଲେ। ସେ ‘ମୁଁ ଏକା ତୁମର, ଗଡଫାଦର, ହରିଓମ୍‌ ହରି, ତୁମେ ଥିଲେ ସାଥୀରେ, ଦେଖା ହେଲା ପ୍ରେମ ହେଲା ପରି ଚଳଚ୍ଚିତ୍ରରେ ଅଭିନୟ କରିଥିଲେ। ତାଙ୍କ ଅଭିନୟରେ ପାଗଳ ହୋଇଥିଲେ ଓଲିଉଡ୍‌ ପ୍ରଶଂସକ। ଏହାବ୍ୟତୀତ ରାଗିଣୀ- ମିତାଲି ଗେଷ୍ଟ ହାଉସ୍‌, ୧୦୦ ରୁପଏ ନୋଟ୍‌, ସ୍ୱର୍ଣ୍ଣ ମୁଦ୍ରା ପରି ବହୁ ଫିଲ୍ମରେ ଅଭିନୟ କରିଛନ୍ତି। ସେ ତେଲୁଗୁ ଓ କନ୍ନଡ଼ ଫିଲ୍ମରେ ମଧ୍ୟ ନଜର ଆସିଛନ୍ତି।

Ragini Sutradhar  

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।