ମୁମ୍ବାଇ: ବଲିଉଡ୍ ଖିଲାଡି ଅକ୍ଷୟ କୁମାରଙ୍କ ଫିଲ୍ମ 'ପ୍ୟାଡ୍ ମ୍ୟାନ' ନିକଟରେ ରିଲିଜ୍ ହେବାର ଅଛି। ତା’ ପୂର୍ବରୁ ତାଙ୍କର ଆଉ ଏକ ଫିଲ୍ମ ‘କେଶରୀ’ର ଫାଷ୍ଟ ଲୁକ୍ ରିଲିଜ୍ ହୋଇଛି। ଅକ୍ଷୟଙ୍କର ଏହି ଲୁକ୍ ଖୁବ୍ ଭିନ୍ନ। ଫଟୋରେ ସେ ଏକ ପଗଡିରେ ନଜର ଆସୁଛନ୍ତି। ଅକ୍ଷୟ ନିଜ ଟ୍ୱିଟର ପେଜ୍ରେ ତାଙ୍କର ସେହି ଲୁକ୍କୁ ସେୟାର କରିଥିଲେ। ସେ ଲେଖିଥିଲେ, ‘ମୁଁ ଏହି ଫଟୋ ସେୟାର କରି ବହୁତ ଗର୍ବ ଅନୁଭବ କରୁଛି। ମୁଁ ଏହି ବର୍ଷର ଆରମ୍ଭରେ ଏକ ଗୁରୁତ୍ୱପୂର୍ଣ୍ଣ କାହାଣୀ ଉପରେ ପର୍ଯ୍ୟବେଶିତ ‘କେଶରୀ’ରେ କାମ କରୁଛି। ଏହା ମୋ ପାଇଁ ଏକ ବଡ ପ୍ରୋଜେକ୍ଟ। ମତେ ସମସସ୍ତଙ୍କ ଶୁଭକାମନା ଆବଶ୍ୟକ।’
ଶୁଣିବାକୁ ମିଳିଛି ସାରଗାଢୀ ଯୁଦ୍ଧକୁ ନେଇ ବଲିଉଡ୍ରେ ତିନି ତିନୋଟି ଫିଲ୍ମ ରିଲିଜ୍ ହେବାକୁ ଯାଉଛି। କେଶରୀରେ ଅକ୍ଷୟ, ଦ୍ୱିତୀୟ ଫିଲ୍ମରେ ରଣଦୀପ୍ ହୁଡ୍ଡା ଲିଡ୍ରେ ଅଛନ୍ତି ଓ ତୃତୀୟରେ ଅଜୟ ଦେବଗନ୍ ସାରଗଢୀର ଯୁଦ୍ଧ କରିବା ନଜର ଆସିବେ। ଏବେ ଦେଖିବା ବାକି ରହିଲା ବକ୍ସ ଅଫିସ୍ରେ କିଏ କମାଲ କରୁଛି।