ମୁମ୍ବାଇ: ବଲିଉଡର କ୍ୟୁଟ୍ ଲଭ- ବାର୍ଡ ଆଲିଆ ଭଟ୍ଟ ଓ ରଣବୀର କପୁର ସବୁବେଳ ଫ୍ୟାନ୍ସଙ୍କୁ ଏଣ୍ଟରଟେନ କରିଥାନ୍ତି। ସବୁବେଳେ ହାତକୁ ହାତ ଛନ୍ଦି ମିଡିଆକୁ ପୋଜ ଦେଉଥିବା ଏହି କପଲଙ୍କ ବିବାହ ନେଇ ସବୁବେଳେ ବି-ଟାଉନ୍ରେ ଚର୍ଚ୍ଚା। କିନ୍ତୁ କେତେ ବି ଏହି ଯୋଡ଼ି ନିଜ ସମ୍ପର୍କକୁ ନେଇ ପାଟି ଫିଟାଉ ନ ଥିବା ବେଳେ ଏବେ ଆଲିଆଙ୍କ ପୋଷ୍ଟ ସୋଶାଲ ମିଡିଆରେ ଲଗାଇଛି ନିଆଁ। ଆଲିଆଙ୍କ ଅପକମିଂ ମୁଭି ‘ଗଙ୍ଗୁବାଇ କାଠିଆୱାଡି’ର ଟ୍ରେଲରକୁ ରଣବୀର ‘ସୁପର’ ବୋଲି କହିଥିବା ବେଳେ ଆଲିଆ ବି କହିଛନ୍ତି ‘ବେଷ୍ଟ ବୟଫ୍ରେଣ୍ଡ ଏଭର’ ।
ଇଣ୍ଟରନେଟରେ ଧୁମ୍ ମଚାଉଛି ‘ଗଙ୍ଗୁବାଇ କାଠିଆୱାଡି’ର ଟ୍ରେଲର। ଶୁକ୍ରବାର ଏହାର ଟ୍ରେଲର ରିଲିଜ ହୋଇଥିବା ବେଳେ ଦେଖୁ ଦେଖୁ ୟୁଜର୍ସଙ୍କ ମଧ୍ୟରେ ଏହାର କ୍ରେଜ ଦେଖିବାକୁ ମିଳିଛି। ଏପରିକି ଆଲିଆଙ୍କୁ ପ୍ରଶଂସାରେ ପୋତି ପକାଇଛନ୍ତି ଫ୍ୟାନ୍ସ ।
ଏହି ଫିଲ୍ମରେ ଆଲିଆ ଜଣେ ଦମଦାର ମାଫିଆ କୁଇନ ଭୂମିକାରେ ନଜର ଆସିବେ। ଦମଦାର ଡାଏଲଗ ସାଙ୍ଗକୁ କିଲର ଅନ୍ଦାଜରେ କେବଳ ବାହାବା ସାଉଣ୍ଟୁଛନ୍ତି ଆଲିଆ । ଏପରିକି ବୟଫ୍ରେଣ୍ଡ ରଣବୀର ବି ଆଲିଆଙ୍କୁ ସପୋର୍ଟ ନ କରି ରହିପାରି ନାହାନ୍ତି।
[caption id="attachment_711578" align="aligncenter" width="650"]
ସୋଶାଲ ମିଡିଆରେ ନିଆଁ ଲଗାଇଥିବା ଆଲିଆ-ରଣବିରଙ୍କ ଫଟୋ ।[/caption]
‘ଗଙ୍ଗୁବାଇ କାଠିଆୱାଡି’ର ଟ୍ରେଲର ଦେଖିବା ପରେ ଆଲିଆଙ୍କ ବୟଫ୍ରେଣ୍ଡ ରଣବୀର କପୁର ନିଜ ରିଆକ୍ସନ ଦେଇଛନ୍ତି। ଏପରିକି ଗାର୍ଲଫ୍ରେଣ୍ଡଙ୍କ ଫିଲ୍ମର ଖାସ ଅନ୍ଦାଜରେ ପ୍ରମୋସନ ବି କରିଛନ୍ତି। ଏପରିକି ଗଙ୍ଗୁବାଇ ଟ୍ରେଲର କିପରି ଲାଗିଲା ବୋଲି ସାମ୍ବାଦିକମାନେ ପଚାରିବାରୁ ରଣବୀର ଆଲିଆଙ୍କ ନମସ୍ତେ ପୋଜ ଦେଖାଇଲେ। ରଣବୀରଙ୍କ ଏହି ପୋଜ ଏବେ ସୋଶାଲ ମିଡିଆରେ ଖୁବ୍ ଭାଇରାଲ ହେଉଛି। ଫ୍ୟାନ୍ସଙ୍କ ସହ ଆଲିଆ ବି ରଣବୀରଙ୍କ ଏହି ଖାସ୍ ଅନ୍ଦାଜର ଦିବାନି ପାଲଟି ଯାଇଛନ୍ତି।
ଏପରିକି ଆଲିଆ ନିଜର ଓ ରଣବୀରଙ୍କ ଏହି ଖାସ୍ ଅନ୍ଦାଜର ନମସ୍ତେ ଫଟୋକୁ ପୋଷ୍ଟ କରି ମୋ ‘ବେଷ୍ଟ ବୟଫ୍ରେଣ୍ଡ ଏଭର’ ଆୱାର୍ଡ ବି ଦେଇଦେଲେ। ଏହି ଫଟୋ ଏବେ ଖୁବ୍ ଭାଇରାଲ ହେବାରେ ଲାଗିଛି।
ଏହି ଫିଲ୍ମ ଚଳିତ ମାସ ୨୫ ତାରିଖରେ ସିନେମା ଘରେ ରିଲିଜ ହେବ । ଏହି ଫିଲ୍ମରେ ଆଲିଆଙ୍କ ବାଦ ଅଜୟ ଦେବଗନ, ବିଜୟ ରାଜ ପ୍ରମୁଖ ଭୂମିକାରେ ନଜର ଆସିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
