ଅନୁ ହେଲେ ଚନ୍ଦ୍ରମୁଖୀ

ଭୁବନେଶ୍ୱର(ଓଡିଶା ରିପୋର୍ଟର): ୯୦ଦଶକର ବଲିଉଡ୍‌ ଫିଲ୍ମ ଦେବଦାସ। ଫିଲ୍ମଟି ବେଶ୍ ହିଟ୍‌ ହୋଇଥିଲା। ଏଥିରେ ଶାହାରୁଖ ସାଜିଥିଲେ ଦେବଦାସ୍। ପାରୋ ଭୂମିକାରେ ଅଭିନୟ କରିଥିଲେ ଐଶ୍ୱର୍ଯ୍ୟା ଏବଂ ଚନ୍ଦ୍ରମୁଖୀ ସାଜିଥିଲେ ମାଧୁରୀ ଦିକ୍ଷିତ୍‌। ଫିଲ୍ମ ଟି ସେ ସମୟର ଶ୍ରେଷ୍ଟ ଫିଲ୍ମ ଥିଲା। ବେଷ୍ଟ ଫିଲ୍ମ ଭାବେ ଅନେକ ପୁରସ୍କାର ହାତେଇଥିଲା ଦେବଦାସ୍‌। ଏମିତି ଏକ ରୋମାଞ୍ଚକର ଫିଲ୍ମକୁ ଭୁଲିବା ସହଜ କଥା ନୁହେଁ। ଆଜି ବି ଲୋକଙ୍କ ମନରେ ସଜ ଫୁଲ ପରି ରହିଛି ଫିଲ୍ମ ଦେବଦାସ।
ବଲିଉଡ୍‌ ପରେ ଏବେ ଦେବଦାସ୍‌କୁ ନେଇ ଓଲିଉଡ୍‌ ନିର୍ମାଣ କରିବାକୁ ଯାଉଛି ଫିଲ୍ମ। ଫିଲ୍ମର ନାଁ ରହିଛି ‘ନାୟକର ନା ଦେବଦାସ’। ଯେଉଁଥିରେ ଚନ୍ଦ୍ରମୁଖୀ ସଜିଛନ୍ତି ଓଲିଉଡ୍‌ ଡିଭା ଅନୁ ଚୌଧୁରୀ। ଏଥିସହ ଫିଲ୍ମରେ ବବି ମିଶ୍ର , ବିଜୟ ମହାନ୍ତିଙ୍କୁ ମଧ୍ୟ ଦେଖିବାକୁ ମିଳିବ। ମୃତ୍ୟୁଞ୍ଜୟ ସାହୁ ଫିଲ୍ମର ନିର୍ଦ୍ଦେଶନା ଭାର ସମ୍ଭାଳିଥିବା ବେଳେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ବୈଦନାଥ ଓ ଗୀତିକାର ରହିଛନ୍ତି ଅରୁଣ ମନ୍ତ୍ରୀ ଏବଂ ନିର୍ମଳ ନାୟକ।