ମୁମ୍ବାଇ: ପାକିସ୍ତାନୀ ଗାୟକ ଆତୀଫ୍ ଅସଲମ୍ ଗୀତ ପରେ ଏବେ ଅଜଣା ଯୁବତୀଙ୍କୁ ସୁରକ୍ଷା ଦେଇ ଚର୍ଚ୍ଚାରେ ଆସିଛନ୍ତି। ଯାହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି।
ଖବର ମୁତାବକ ଏକ ଷ୍ଟେଜ ଶୋ କରୁଥିବା ସମୟରେ ଦର୍ଶକଙ୍କ ମଧ୍ୟରେ ଜଣେ ଯୁବତୀଙ୍କୁ କିଛି ଯୁବକ ଦୁର୍ବ୍ୟବହାର କରୁଥିବାର ଦେଖିଥିଲେ ଆତୀଫ। ସେ ଯୁବତୀଙ୍କୁ ଦୁର୍ବୃତ୍ତଙ୍କ କବଳରୁ ରକ୍ଷା କରିଥିଲେ। ତା’ ସହ ଦୁର୍ବୃତ୍ତମାନଙ୍କୁ କଡ଼ା ଚେତେବନୀ ଦେଇଥିଲେ ଆତୀଫ। ଏହି ସମୟରେ ଆତୀଫ୍ ଶୋକୁ କିଛି ସମୟ ପାଇଁ ବନ୍ଦ ମଧ୍ୟ ରଖିଥିଲେ। ଶୋ’ରେ ଉପସ୍ଥିତ ଦର୍ଶକ ଆତୀଫ୍ଙ୍କୁ ସହଯୋଗ କରିଥିଲେ ଓ ତାଙ୍କୁ ପ୍ରଶଂସା ମଧ୍ୟ କରିଥିଲେ।
ନିକଟରେ ଆତୀଫ୍ଙ୍କ ଏକ ନୂଆ ଗୀତ ‘ପହଲୀ ଦଫା’ ରିଲିଜ୍ ହୋଇଛି। ଏହି ଗୀତରେ ଇଲିଆନା ଡିକ୍ରୁଜ୍ ଅଛନ୍ତି।