କାହାକୁ ଡରନ୍ତି ବାବୁସାନ୍?: ଶୁଣନ୍ତୁ ଏହା ପଛର କାହାଣୀ

ଭୁବନେଶ୍ୱର(ଓଡ଼ିଶା ରିପୋର୍ଟର): ଓଲିଉଡ୍‌ର ଚକୋଲେଟ୍‌ ହିରୋ ବାବୁସାନ୍ ମହାନ୍ତି। ଆକ୍ସନ, ଇମୋସନ୍ ଓ କମେଡି ସବୁଥିରେ ସେ ମାହିର। ସେଥିପାଇଁ ଆଜି ସେ ଓଲିଉଡ୍‌ର ସୁପରଷ୍ଟାର। ‘ରୋମିଓ ଦ ଲଭର ବୟ’ ଫିଲ୍ମରୁ ସେ ତାଙ୍କ ଅଭିନୟ ଯାତ୍ରା ଆରମ୍ଭ କରିଥିଲେ। ପରେ ଅନେକ ଫିଲ୍ମରେ ଦମଦାର ଅଭିନୟ ଦେଖାଇ ଓଲିଉଡ୍‌ରେ ଆଗଧାଡ଼ିର ନାୟକ ଭାବରେ ଠିଆ ହେଲେ। ପରଦା ଉପରେ ଏମିତି ତ ସେ ଅନେକ ଗୁଣ୍ଡାକୁ ମାରିଛନ୍ତି। ହେଲେ ବାସ୍ତବ ଜୀବନରେ ବାବୁସାନ୍‌ ମଧ୍ୟ ଡରନ୍ତି। ତେବେ କାହାକୁ ଡରନ୍ତି ଜାଣନ୍ତି? ବାବୁସାନ୍ ଭୂତକୁ ଭୟ କରନ୍ତି। ଏହା ପଛରେ ବି ଏକ ରୋଚକ କାହାଣୀ ଅଛି। ସେ ନିଜେ ଏହାକୁ କହିଛନ୍ତି। ଆପଣ ବି ଜାଣନ୍ତୁ କ’ଣ ସେ କାହାଣୀ।

ବାବୁସାନ୍‌ଙ୍କୁ ବିଳମ୍ବିତ ରାତି ପର୍ଯ୍ୟନ୍ତ ବାହାରେ ବୁଲିବାକୁ ଭଲ ଲାଗେ। ଥରେ ମାଆ ଅପରାଜିତା ମହାନ୍ତି ତାଙ୍କର ଏହି ଅଭ୍ୟାସରେ ବିରକ୍ତ ହୋଇ ତାଙ୍କୁ ଦଣ୍ଡ ଦେବା ପାଇଁ ଚିନ୍ତା କଲେ। ଦିନେ ବାବୁସାନ୍‌ ରାତି ୨ଟାରେ ଘରକୁ ଫେରିଲେ। ସେହି ସମୟରେ ଅପରାଜିତା ନାଇଟି ପିନ୍ଧି ଓ ଚୁଟି ଖୋଲା କରି ଘରର ପ୍ରବେଶ ଦ୍ୱାର ପାଖରେ ଠିଆ ହୋଇଥିଲେ। ଯାହାକୁ ଦେଖି ବାବୁସାନ୍ ଡରି ଯାଇଥିଲେ। ତାଙ୍କୁ ମାସେ ପର୍ଯ୍ୟନ୍ତ ଠିକ୍‌ ସେ ନିଦ ହୋଇ ନଥିଲା। ଏବେ ସେ ରାତିରେ ନିଜ ସ୍ତ୍ରୀଙ୍କୁ ଦେଖି ଡରିଯାଆନ୍ତି। ବାବୁସାନ୍ କୁହନ୍ତି ଯେ ସେ ତାଙ୍କ ମାଆ ଓ ସ୍ତ୍ରୀଙ୍କୁ ଭୟ କରନ୍ତି।