ପର୍ଣ୍ଣ ଫିଲ୍ମ ତିଆରି ମାମଲାରେ ଅଭିନେତ୍ରୀ ଗିରଫ

କୋଲକାତା: ଗତ କିଛି ଦିନ ହେବ ଅଶ୍ଳୀଳ ଫିଲ୍ମ ତିଆରି ଅଭିଯୋଗରେ ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ସ୍ୱାମୀଙ୍କୁ ମୁମ୍ବାଇ କ୍ରାଇମବ୍ରାଂଚ ଗିରଫ କରିଛି। ଏହାପରେ ପର୍ଣ୍ଣ ଫିଲ୍ମ ମାମଲରେ ଜଡିତ ଜଣକ ପରେ ଜଣେ ଅଭିନେତ୍ରୀଙ୍କ ନାଁ ସାମ୍ନାକୁ ଆସୁଛି। ଏହି ମାମଲରେ କୋଲକାତା ପୁଲିସ ମଡେଲରୁ ଅଭିନେତ୍ରୀ ବନିଥିବା ଜଣେ ୩୦ବର୍ଷୀୟ ମହିଳାଙ୍କୁ ଗିରଫ କରିଛି।

ଗିରଫ ଅଭିନେତ୍ରୀଙ୍କ ନାଁ ନନ୍ଦିତା ଦତ୍ତା। ଏଥିସହ ତାଙ୍କ ସହ ତାଙ୍କ ସାଥୀ ମେନାକ ଘୋଷଙ୍କୁ ମଧ୍ୟ ପୁଲିସ କରିଛି। ନୂଆ ନୂଆ ଝିଅମାନଙ୍କୁ ଏ ଦୁହେଁ ୱେବ୍ ସିରିଜରେ କାମ ଦେବାକୁ ଲୋଭ ଦେଖାଉଥିଲେ। ଏଥିସହ ଧମକ ଦେଇ ଜୋର ଜବରଦସ୍ତ ଅଶ୍ଳୀଳ ଫିଲ୍ମ ତିଆରି କରୁଥିଲେ ବୋଲି ଉଭୟଙ୍କ ନାଁରେ ଅଭିଯୋଗ ରହିଛି।

ଇ-ଟାଇମ୍ସର ରିପୋର୍ଟ ମୁତାବକ, ନନ୍ଦିତା ଦତ୍ତା ନିଜେ ଅଶ୍ଳୀଳ ଫିଲ୍ମରେ ମଧ୍ୟ କାମ କରିଛନ୍ତି ଯେଉଁଥିରେ ତାଙ୍କ ଚରିତ୍ରର ନାମ ନାନସୀ ଭବୀ ଥିଲା। ଜୁଲାଇ ୨୬ରେ, ଦୁଇ ଜଣ ଯୁବ ମଡେଲ ନନ୍ଦିତା ଏବଂ ମେନାକଙ୍କ ବିରୋଧରେ ଅଭିଯୋଗ କରିଥିଲେ। ଏହା ପରେ ଉଭୟଙ୍କୁ ପୁଲିସ ତାଙ୍କ ଘରୁ ଗିରଫ କରିଛି।

ପୁଲିସ ଅଧିକାରୀଙ୍କ କହିବା ମୁତାବକ, ଆମେ ନନ୍ଦିତା ଏବଂ ଦତ୍ତାଙ୍କୁ ସେମାନଙ୍କର ଅନ୍ୟ ସହଯୋଗୀମାନଙ୍କ ବିଷୟରେ ପଚରାଉଚରା କରିବୁ। କେଉଁଠାରୁ ଏମାନେ ସଙ୍ଗଠିତ ଢଙ୍ଗରେ ପର୍ଣ୍ଣ ଏବଂ ଅଶ୍ଳୀଳ କଣ୍ଟେଣ୍ଟର ସୁଟିଂ କରୁଥିଲେ ସେ ନେଇ ମଧ୍ୟ ପୁଲିସ ପଚରାଉଚରା କରିବ। ଏଥିସହ ଏହି ଭିଡିଓଗୁଡିକ କେଉଁଠାରେ ବିକ୍ରି ହେଉଥିଲା ଏବଂ ଏମାନଙ୍କ ସହ ଆଉ କିଏ କିଏ ସାମିଲ ଅଛି ଓ ଏମାନେ କୌଣସି ବଡ ପର୍ଣ୍ଣ ରାକେଟ୍ ସହ ଜଡିତ ନା ନାହିଁ ସେ ନେଇ ମଧ୍ୟ ତଦନ୍ତ କରାଯିବ ବୋଲି ପୁଲିସ ଅଧିକାରୀ କହିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।