ଡାକ୍ତରଖାନାକୁ ଯିବା ପୂର୍ବରୁ ଫ୍ୟାନ୍‌ଙ୍କ ଉଦ୍ଦେଶ୍ୟରେ କ’ଣ କହିଲେ ସଞ୍ଜୟ ଦତ୍ତ

ମୁମ୍ବାଇ: ବଲିଉଡ୍ ଅଭିନେତା ସଞ୍ଜୟ ଦତ୍ତ ଫୁସ୍‌ଫୁସ୍ କ୍ୟାନ୍‌ସର୍‌ରେ ପୀଡ଼ିତ ହୋଇଛନ୍ତି ଏବଂ ଚିକିତ୍ସା ପାଇଁ ଗତକାଲି ଠାରୁ ମୁମ୍ବାଇର କୋକିଲାବେନ୍ ଧୀରୁଭାଇ ଅମ୍ବାନୀ ହସ୍‌ପିଟାଲ୍‌ରେ ଭର୍ତ୍ତି ହୋଇଛନ୍ତି। ହସ୍‌ପିଟାଲ୍‌ ଯିବା ପୂର୍ବରୁ ସେ ତାଙ୍କ ଘର ବାହାରେ ଉପସ୍ଥିତ ଶୁଭେଚ୍ଛୁ ଓ ଗଣମାଧ୍ୟମ ପ୍ରତିନିଧିଙ୍କୁ ଧନ୍ୟବାଦ ଦେବା ସହ ହାତଯୋଡ଼ି ନମସ୍କାର କରିଥିଲେ। ଏହା ସହିତ ତାଙ୍କ ପାଇଁ ପ୍ରାର୍ଥନା କରିବାକୁ ସମସ୍ତଙ୍କୁ କହିଥିଲେ।

ସଞ୍ଜୟ ଦତ୍ତ ଡାକ୍ତରଖାନା ଅଭିମୁଖେ ଯିବା ବେଳେ ତାଙ୍କ ସହିତ ପତ୍ନୀ ମାନ୍ୟତା ଓ ଦୁଇ ଭଉଣୀ ଉପସ୍ଥିତ ଥିଲେ। ମାନ୍ୟତା ଖୁବ୍ ଚିନ୍ତିତ ଜଣାପଡ଼ୁଥିଲେ। ସେ ଏବେ ସଞ୍ଜୟଙ୍କ ସହିତ ହସ୍‌ପିଟାଲ୍‌ରେ ରହିପାରିବେ ନାହିଁ। କାରଣ ସେ ନିକଟରେ ଦୁବାଇରୁ ଫେରିଛନ୍ତି ଓ ଘରେ କ୍ୱାରେଣ୍ଟାଇନ୍‌ରେ ଅଛନ୍ତି। କିନ୍ତୁ ସଞ୍ଜୟ ଦତ୍ତଙ୍କ ଦୁଇ ଭଉଣୀ ହସ୍‌ପିଟାଲ୍‌ରେ ତାଙ୍କ ସହିତ ରହିବେ ଓ ସବୁ କଥା ବୁଝିବେ ବୋଲି ଜଣାପଡ଼ିଛି।

ଇତିମଧ୍ୟରେ ସଞ୍ଜୟ ଦତ୍ତଙ୍କ ସମସ୍ତ ଶୁଭେଚ୍ଛୁ ଓ ପ୍ରଶଂସକଙ୍କ ଉଦ୍ଦେଶ୍ୟରେ ଏକ ବାର୍ତ୍ତା ଜାରି କରିଛନ୍ତି ମାନ୍ୟତା। ସେ କହିଛନ୍ତି, ମୁମ୍ବାଇରେ ସଞ୍ଜୁଙ୍କ ପ୍ରାଥମିକ ଚିକିତ୍ସା ସଂପୂର୍ଣ୍ଣ କରାଯିବ। ତା’ପରେ କୋଭିଡ୍ ସ୍ଥିତିକୁ ଦେଖି ତାଙ୍କୁ କେଉଁଠାକୁ ନିଆଯିବ, ସେ ନେଇ ବିଚାର କରାଯିବ।

ଏହା ସହିତ ସଞ୍ଜୟ ଦତ୍ତଙ୍କ ସ୍ୱାସ୍ଥ୍ୟାବସ୍ଥା ନେଇ କେହି ଉଡ଼ା ଖବର ପ୍ରଚାର ନ କରିବାକୁ ମାନ୍ୟତା ସମସ୍ତଙ୍କୁ ହାତଯୋଡ଼ି ଅନୁରୋଧ କରିଛନ୍ତି। ସେ କହିଛନ୍ତି, ଡାକ୍ତରମାନେ ସେମାନଙ୍କ କାର୍ଯ୍ୟ କରୁଛନ୍ତି। ସଞ୍ଜୁଙ୍କ ସ୍ୱାସ୍ଥ୍ୟାବସ୍ଥା ନେଇ ନିୟମିତ ବ୍ୟବଧାନରେ ସୂଚନା ଦିଆଯିବ।

ମାନ୍ୟତା କହିଛନ୍ତି, ସଞ୍ଜୁ ତାଙ୍କ ଜୀବନରେ ଅନେକ ଘାତପ୍ରତିଘାତର ସମ୍ମୁଖୀନ ହୋଇଛନ୍ତି। ତେବେ ତାଙ୍କୁ ସମସ୍ତଙ୍କ ସମର୍ଥନ ମିଳିଛି ଓ ସେ ପୁଣି ସ୍ୱାଭାବିକ ଜୀବନଯାପନ କରିଛନ୍ତି। ଏବେ ଆମ ପରିବାର କଷ୍ଟ ସମୟ ଦେଇ ଗତି କରୁଛି। କିନ୍ତୁ ଆମେ ସମସ୍ତେ ଲଢ଼େଇ କରିବୁ। ଭଗବାନ ଓ ଆପଣମାନଙ୍କ ପ୍ରାର୍ଥନା ଆମ ସହିତ ଅଛି। ତେଣୁ ଆମେ ଏ କଷ୍ଟ ସମୟ ପାର କରିଯିବୁ ଓ ବିଜୟୀ ହେବୁ।

ସୂଚନାଯୋଗ୍ୟ, ଅଗଷ୍ଟ ୮ ତାରିଖରେ ନିଃଶ୍ୱାସ ପ୍ରଶ୍ୱାସରେ ସମସ୍ୟା ହେବାରୁ ସଞ୍ଜୟ ଦତ୍ତଙ୍କୁ ଲୀଲାବତି ହସ୍‌ପିଟାଲ୍‌ରେ ଭର୍ତ୍ତି କରାଯାଇଥିଲା। ସେଠାରେ ତାଙ୍କର କୋଭିଡ୍-୧୯ ପରୀକ୍ଷା କରାଯାଇଥିଲା। ତେବେ ରିପୋର୍ଟ ନେଗେଟିଭ୍ ଆସିଥିଲା। ଏହା ପରେ ସେ ସୋଶାଲ୍‌ ମିଡିଆରେ ଏକ ପୋଷ୍ଟ କରି ଚିକିତ୍ସା ପାଇଁ କିଛି ଦିନ ବ୍ରେକ୍ ନେବେ ବୋଲି କହିଥିଲେ। ପରେ ପରେ ତାଙ୍କୁ ଫୁସ୍‌ଫୁସ୍‌ କ୍ୟାନ୍‌ସର୍ ହୋଇଥିବା ଜଣାପଡ଼ିଥିଲା।

ସୂଚନାଯୋଗ୍ୟ, ଖୁବ୍‌ଶୀଘ୍ର ସଞ୍ଜୟ ଦତ୍ତଙ୍କ ଅଭିନୀତ ‘ଫିଲ୍ମ ସଡକ-୨’ ଡିଜ୍‌ନୀ-ହଟ୍‌ଷ୍ଟାରରେ ରିଲିଜ୍ ହେବ। ଏହା ହେଉଛି ୧୯୯୧ରେ ରିଲିଜ୍ ହୋଇଥିବା ଫିଲ୍ମ ‘ସଡକ’ର ସିକ୍ୱେଲ୍‌। ‘ସଡକ-୨’ରେ ଆଲିଆ ଭଟ୍ଟ ଓ ଆଦିତ୍ୟ ରୟ କପୁର ପ୍ରମୁଖ ଅଛନ୍ତି। ସେହିପରି ସଞ୍ଜୟଙ୍କ ଅନ୍ୟ ପ୍ରୋଜେକ୍ଟ ଗୁଡ଼ିକ ମଧ୍ୟରେ ‘କେଜିଏଫ୍: -ଚାପ୍ଟର-୨’, ‘ତୋରବାଜ୍’, ‘ଭୂଜ୍‌- ଦ ପ୍ରାଇଡ୍‌ ଅଫ୍ ଇଣ୍ଡିଆ’, ‘ଶମଶେରା’ ଓ ‘ପୃଥ୍ୱୀରାଜ’ ଆଦି ରହିଛି।

ଆହୁରି ପଢ଼ନ୍ତୁ: ଆସିଲା ସୁଶାନ୍ତଙ୍କ ବ୍ୟାଙ୍କ୍ ଆକାଉଣ୍ଟର ଅଡିଟ୍ ରିପୋର୍ଟ

ଆହୁରି ପଢ଼ନ୍ତୁ

ଡିଜିଟାଲ ଏବଂ ବୈଦ୍ୟୁତିକ ଗଣମାଧ୍ୟମ ଏବେ ‘ୱାର୍କିଙ୍ଗ ଜର୍ଣ୍ଣାଲିଷ୍ଟ’ ପରିଭାଷା ଅନ୍ତର୍ଭୁକ୍ତ

ବିଜେପି ନେତାଙ୍କୁ ଗୁଳି କରି ହତ୍ୟା

ଲୋନ୍ ନେବା ପାଇଁ ହିନ୍ଦୀ ଜାଣିବା ଦରକାର କହିବା ପରେ ମ୍ୟାନେଜରଙ୍କ ବଦଳି

ସାତ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ କଥା ହେଲେ ପ୍ରଧାନମନ୍ତ୍ରୀ

ପାରମ୍ପରିକ ନାଗାଲାଣ୍ଡ ବ୍ୟଞ୍ଜନ ପ୍ରସ୍ତୁତିକୁ ଶେୟାର କଲେ ସ୍ମୃତି ଇରାନୀ

ଦୀପିକା, ରକୁଲ୍, ସାରା, ଶ୍ରଦ୍ଧାଙ୍କୁ ଏନସିବିର ସମନ

ମିଚେଲ୍ ମାର୍ଶ ଆଇପିଏଲରୁ ଆଉଟ୍

ମାର୍ଚ୍ଚରୁ ଜୁନ୍ ମଧ୍ୟରେ ୨୯ ହଜାର ଜଣଙ୍କର ସଡ଼କ ଦୁର୍ଘଟଣାରେ ମୃତ୍ୟୁ

କୃଷି ବିଲ୍: ଶାସକ, ବିରୋଧୀ କେହି କିଛି କମ୍ ନୁହନ୍ତି

ଏକ ଫିଲ୍ମର ଶୁଟିଂ ବେଳୁ ଗଞ୍ଜେଇ ଭର୍ତ୍ତି ସିଗାରେଟ୍ ଟାଣିବା ଅଭ୍ୟାସରେ ପଡ଼ିଯାଇଥିଲେ ସୁଶାନ୍ତ

ଅନୁରାଗଙ୍କ ନାଁରେ ଦୁଷ୍କର୍ମ ମାମଲା ରୁଜୁ

ବିଜେପି ନେତାଙ୍କୁ ଗାଁ ଭିତରକୁ ଯିବାକୁ ଦେବୁନି: ଚାଷୀ ସଂଘ