ଭୁବନେଶ୍ୱର: ଫିଲ୍ମ ‘ତୁ ମୋ ଲଭ୍ ଷ୍ଟୋରୀ’କୁ ମିଳିଛି ଜବରଦସ୍ତ ସଫଳତା। ଗତକାଲି ରିଲିଜ୍ ହୋଇଥିବା ତରଙ୍ଗ ସିନେ ପ୍ରଡକସନ୍ସ ଓ ଡିକେ ମୁଭିଜ ବ୍ୟାନର ପ୍ରଯୋଜିତ ଏହି ନୂଆ ଓଡ଼ିଆ ଫିଲ୍ମକୁ ଭରପୂର ଦର୍ଶକୀୟ ସ୍ୱୀକୃତି ମିଳିଛି। ଗତକାଲି ରାଜ୍ୟର ୫୦ଟି ସିନେମା ହଲରେ ଏହି ଫିଲ୍ମ ରିଲିଜ୍ ହୋଇଥିବା ବେଳେ ଶୋ’ ଗୁଡ଼ିକ ହାଉସଫୁଲ୍ ରହିଥିଲା।
ସକାଳେ କଟକ ଜୟଶ୍ରୀ ସିନେମା ହଲରେ ପ୍ରିମିୟର ପରେ ସନ୍ଧ୍ୟାରେ ଭୁବନେଶ୍ୱର ସ୍ୱାତୀରେ ଦର୍ଶକଙ୍କ ଭିଡ଼ ଦେଖିବାକୁ ମିଳିଥିଲା। ନବାଗତ ସୌରାଜ ଓ ଭୂମିକାଙ୍କ ଅଭିନୟକୁ ତାରିଫ କରିଛନ୍ତି ଦର୍ଶକ। ବିଶେଷକରି ଟିନ୍ ଏଜ୍ ପ୍ରେମ କାହାଣୀ ଯୁବପୀଢ଼ିଙ୍କୁ ବେଶ୍ ଛୁଇଁଛି। ଫିଲ୍ମର କାହାଣୀ, ଅଭିନୟ ଓ ଗୀତଗୁଡ଼ିକ ମଧ୍ୟ ସୁପରହିଟ୍ ହୋଇଥିବା ଦର୍ଶକଙ୍କୁ ମୁହଁରୁ ଶୁଣିବାକୁ ମିଳିଛି।
ତାପସ ସରଘରିଆଙ୍କ ନିର୍ଦ୍ଦେଶିତ ଏହି ଫିଲ୍ମରେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ପ୍ରେମାନନ୍ଦ।