ମୁମ୍ୱାଇ: ‘କୌନ୍ ବନେଗା କରୋଡପତି’ ସିଜନ୍ ୧୧ରେ ଭାଗ ନେଇଥିବା ୧୯ ବର୍ଷର ପ୍ରତିଯୋଗୀ ହିଂମାଶୁ ଧୁରିଆ ୧ କୋଟି ଟଙ୍କା ଜିତି ପାରିନାହାନ୍ତି। କେବିସିରେ ଭଲ ଖେଳି ହିଂମାଶୁ ୧୪ଟି ପ୍ରଶ୍ନର ଉତ୍ତର ଦେଇଥିଲେ କିନ୍ତୁ। ୧ କୋଟି ପ୍ରଶ୍ନର ଉତ୍ତର ଦେବା ପାଇଁ ସମସ୍ୟାରେ ପଡ଼ି ଯାଇଥିଲେ। ତାଙ୍କର ଲାଇଫ୍ ଲାଇନ୍ ମଧ୍ୟ ଶେଷ ହୋଇସାରିଥିଲା। ତେଣୁ ରିକ୍ସ ନ ନେଇ ହିଂମାଶୁ ଖେଳରୁ ଓହରି ଆସିଥିଲେ।
କିନ୍ତୁ ପରେ ଅମିତାଭ ବଚ୍ଚନ ତାଙ୍କୁ ପ୍ରଶ୍ନର ଉତ୍ତର ଅନୁମାନ କରିବା ପାଇଁ କହିଥିଲେ। ଯାହାର ଉତ୍ତର ହିଂମାଶୁ ଠିକ୍ ରଖିଥିଲେ ମଧ୍ୟ ଖେଳରୁ ଓହରି ସାରିଥିଲେ।
୨ ମିନିଟ୍ ୪୨ ସେକେଣ୍ଡରେ ଫାଷ୍ଟେଷ୍ଟ୍ ଫିଙ୍ଗର୍ ଫାଷ୍ଟର ଉତ୍ତର ଦେଇ ପ୍ରଥମ ପ୍ରତିଯୋଗୀ ଭାବରେ ହିଂମାଶୁ ରେକର୍ଡ କରିଥିଲେ। ପ୍ରଥମ ପ୍ରଶ୍ନର ଉତ୍ତର ଦେବା ପାଇଁ ସେ ଲାଇଫ୍ ଲାଇନ୍ ବ୍ୟବହାର କରିଥିଲେ। କିନ୍ତୁ ପରେ ଭଲ ଖେଳି ୫୦ ଲକ୍ଷ ଜିତିଛନ୍ତି।
ସୂଚନାଯୋଗ୍ୟ ଯେ କେବିସିରେ ବର୍ତ୍ତମାନ ପର୍ଯ୍ୟନ୍ତ ଜଣେ ହିଁ ମହିଳା ପ୍ରତିଯୋଗୀ ୧ କୋଟି ପ୍ରଶ୍ନ ପର୍ଯ୍ୟନ୍ତ ପହଞ୍ଚିଥିଲେ। କିନ୍ତୁ ପ୍ରଶ୍ନର ଉତ୍ତର ଜଣାନଥିବାରୁ ଖେଳରୁ ଓହରି ଯାଇଥିଲେ। ୧ କୋଟି ପର୍ଯ୍ୟନ୍ତ ପହଞ୍ଚିବା ଦ୍ୱିତୀୟ ପ୍ରତିଯୋଗୀ ହେଉଛନ୍ତି ହିଂମାଶୁ ଧୁରିଆ।