ବି-ଟାଉନ୍ରେ କିଏ କାହାର ଶତ୍ରୁ ତ କିଏ ପୁଣି ମିତ୍ର। କିଏ କାହାକୁ ଘୃଣା କରେ ତ କିଏ କାହାକୁ ପୂଜିଥାଏ। ଆମେ କହୁଛୁ ବଲିଉଡ ଅଭିନେତା ହ୍ରିତିକ୍ ରୋଶନ୍ଙ୍କ କଥା। କଙ୍ଗନାଙ୍କ ପାଇଁ ହ୍ରିତିକ୍ ସବୁଠୁ ଖରାପ ମଣିଷ ହୋଇଥିବା ବେଳେ ଆଉ ଜଣେ ବଲିଉଡ୍ ହିରୋଇନଙ୍କ ପାଇଁ ସେ ଦେବତା।
ହ୍ରିତିକ୍ ଓ କଙ୍ଗନାଙ୍କ ଯୁଦ୍ଧ କଥା ତ ଆପଣ ଶୁଣିଥିବେ। ଖବର କାଗଜରୁ ଆରମ୍ଭ କରି ଟିଭି ଚ୍ୟାନେଲ ପର୍ଯ୍ୟନ୍ତ ସବୁଠି ଏହି ଦୁଇଜଣଙ୍କ ଖବର ଛାଇଯାଇଥିଲା। ଏବେ ବି ପୂରା ଥମିନାହିଁ।
ହ୍ରିତିକ୍ଙ୍କ ବିରୁଦ୍ଧରେ କଙ୍ଗନା ଦେଇଥିବା ମନ୍ତବ୍ୟ ପାଇଁ ହ୍ରିତିକ୍ଙ୍କୁ ଅନେକ ଅପମାନ ସହିବାକୁ ପଡ଼ିଥିଲା। ରାତାରାତି ସେ ଯେମିତି ଭିଲିଆନ୍ ପାଲଟି ଯାଇଥିଲେ।
ଏଭଳି ସ୍ଥିତିରେ ହ୍ରିତିକ୍ଙ୍କ ପାଇଁ ଏକ ଭଲ ଖବର ଆସିଛି। ଖବରଟି ହେଉଛି ବଲିଉଡର ଜଣେ ହିରୋଇନ୍ ତାଙ୍କୁ ଦେବତା ମାନିସାରିଛନ୍ତି। ତାଙ୍କର ଫିଲ୍ମ ଲାଇନ୍କୁ ଆସିବା ପଛରେ ହ୍ରିତିକ୍ ହିଁ ଏକ ମାତ୍ର କାରଣ। ସେ ହ୍ରିତିକ୍ଙ୍କ ଡାନ୍ସରେ ବେଶ୍ ପ୍ରଭାବିତ। ତେଣୁ ସେ ତାଙ୍କ ସହ କାମ କରିବାକୁ ମନବଳାଇ ଫିଲ୍ମ ଲାଇନରେ ପ୍ରବେଶ କରିଛନ୍ତି।
ସେ ଆଉ କେହି ନୁହଁନ୍ତି, ବାହୁବଳୀ-୨ର ନାୟିକା ତମନ୍ନା ଭାଟିଆ। ତମନ୍ନା ସର୍ବ ସମ୍ମୁଖରେ ଗଣମାଧ୍ୟମ ଆଗରେ ଏହି କଥାକୁ ପ୍ରକାଶ କରିଛନ୍ତି। ସେ କହିଛନ୍ତି ଯେ ହ୍ରିତିକ୍ ତାଙ୍କ ପାଇଁ ଦେବତା। ସେ ତାଙ୍କୁ ମନରେ ପୂଜନ୍ତି। ସେ କହିଛନ୍ତି "ମୁଁ ବହୁତ ସୌଭାଗ୍ୟଶାଳୀ ମନେ କରିବି ଯଦି ମୋତେ ହ୍ରିତିକ୍ଙ୍କ ସହକାମ କରିବାକୁ ସୁଯୋଗ ମିଳିବ।"
