ଏଇ ବ୍ୟକ୍ତିଙ୍କ ପାଇଁ ସିନେ ପରଦାରେ ଝଟକନ୍ତି ହିରୋ ହିରୋଇନ୍

ଭୁବନେଶ୍ୱର(ଓଡିଶା ରିପୋର୍ଟର): ନାୟକ ନାୟିକା ମାନଙ୍କ ପାଇଁ ଯେ କେବଳ ଫିଲ୍ମ ହିଟ୍‌ ହୁଏ ତା ନୁହେଁ, ଫିଲ୍ମ ହିଟ୍ ହେବା ପଛରେ ମେକଅପ୍‌ ଆର୍ଟିଷ୍ଟ ମାନଙ୍କର ମଧ୍ୟ ସମାନ ଭୂମିକା ଥାଏ। କାରଣ ତାଙ୍କ ହାତରେ କଳାକାରଙ୍କୁ ସୁନ୍ଦର ଓ ସଠିକ୍ ଭାବେ ଉପସ୍ଥାପନ କରିବାର କୌଶଳ। । ତାଙ୍କ ହାତର ଟିକେ ଛୁଆଁରେ ଫିଲ୍ମରେ କଳାକାର ମାନେ ପରଦା ଉପେର ଆହୁରି ସୁନ୍ଦର ଲାଗନ୍ତି। ସେମିତି ଜଣେ ମେକଅପ୍ ଯାଦୁକର ହେଉଛନ୍ତି ସମରେଶ୍‌ ପାଲ।ନିକଟରେ ଘୋଷିତ ୨୮ତମ ରାଜ୍ୟ ଚଳଚ୍ଚିତ୍ର ପୁରସ୍କାର ତାଲିକାରେ ସେ ‘ଶ୍ରେଷ୍ଠ ମେକଅପ୍ ଆର୍ଟିଷ୍ଟ’ ଭାବେ ପୁରଷ୍କୃତ ହୋବାକୁ ମନୋନୀତ ହୋଇଛନ୍ତି। ତେବେ ସମ୍ମାନୀତ ହେବା ଖବର ଆସିବା ପରେ ସେ କେତେ ଖୁସି ଥିଲେ ଓ ତାଙ୍କ ମେକଅପ୍‌ ଆର୍ଟିଷ୍ଟ ହେବାର ଯାତ୍ରା କେମିତି ଥିଲା ଜାଣିବା ପାଇଁ ତାଙ୍କୁ ଭେଟିଥିଲେ ଓଡିଶା ରିପୋର୍ଟର ପ୍ରତିନିଧି ବିଶ୍ୱବନ୍ଦିତା ସ୍ୱାଇଁ।

ପ୍ରଶ୍ନ:କେମିତି ଅନୁଭବ ହେଲା ଯେତବେଳେ ଶୁଣିଲେ ଯେ ଆପଣ ‘ଶ୍ରେଷ୍ଠ ରୂପ ସଜ୍ଜାକାରୀ’ ବା ବେଷ୍ଟ ମୋକଅପ୍ ଆର୍ଟିଷ୍ଟ ଭାବରେ ସମ୍ମାନୀତ ହେବାକୁ ଯାଉଛନ୍ତି।

ସମରେଶ୍‌: ବହୁତ ଖୁସି ଅଛି। ଆଜି ଏତେ ବଡ ଖୁସି ଦିନରେ ମୋ ସ୍ୱର୍ଗତ ବାପା ମାଆଙ୍କୁ ମନେ ପକାଉଛି।

ପ୍ରଶ୍ନ: ସାଧାରଣ ମେକଅପ୍‌ ଓ ଫିଲ୍ମରେ ମେକଅପ୍ ଦେବା ସମାନ?

ସମରେଶ୍‌: ନାଁ, ଫିଲ୍ମରେ ବ୍ୟବହାର ହେଉଥିବା କ୍ୟାମେରା ପାଇଁ ମେକଅପ୍ ଭିନ୍ନ ଥାଏ। ଲାଇଟ୍‌କୁ ଦେଖି ଫିଲ୍ମ ପାଇଁ ମେକଅପ୍‌ କରିବାକୁ ପଡେ।

ପ୍ରଶ୍ନ: ଫିଲ୍ମରେ କିଛି ସିନ୍ ଅଧା ରଖାହୋଇ କିଛି ଦିନ ପରେ ସେ ସିନ୍ ପୁଣି ସୁଟିଂ ହୁଏ, ସେ ସମୟରେ ଆପଣ କେମିତି ପୂର୍ବରୁ ଦେଇଥିବା ମେକଅପ୍‌ ମନେରଖନ୍ତି?

ସମରେଶ୍‌: ସେଇଟା ତ ମୋ କର୍ତ୍ତବ୍ୟ, ୬ ମାସ କି ବର୍ଷେ ବ୍ୟବଧାନ ରହିଲେ ବି ମୁଁ ପୂର୍ବ ପରି ମେକଅପ୍ ଦେଇପାରିବି। ଚେହେରାକୁ ଛୁଇଁବା ମାତ୍ରେ ମୁଁ ପୂର୍ବ ମେକଅପ୍ କ’ଣ ଦେଇଥିଲି ମୋର ମନେ ପଡିଯାଏ।

ପ୍ରଶ୍ନ: ‘ତୁ କହିବୁ ନା ମୁଁ’ ଫିଲ୍ମରେ କେତେବେଳେ ମେକଅପ୍‌ କରିବାକୁ କଷ୍ଟ ହୋଇଥିଲା?

ସମରେଶ୍‌: ଫିଲ୍ମର ନାୟକ ନାୟିକାଙ୍କ ସ୍କିନ୍‌ର ରଙ୍ଗ ଭିନ୍ନ। ସମାନ ରଙ୍ଗ ଆଣିବା ପାଇଁ ମତେ ପ୍ରଥମେ ଦୁଇ ତିନି ଦିନ କଷ୍ଟ ହେଇଥିଲା।

ପ୍ରଶ୍ନ: ଏବେକାର ମେକଅପ୍ ଆର୍ଟିଷ୍ଟକୁ କିଛି ପରାମର୍ଶ ଦେବାକୁ ଚାହିଁବେ ?

ସମରେଶ୍‌: ମେକଅପ୍‌ କରିବା ପୂର୍ବରୁ କଳାକାର ମାନଙ୍କ ସହ ଆଲେଚନା କରିବା ଦରକାର ଏବଂ ତାଙ୍କ ମତାମତ ନେବା ଦରକାର।

ପ୍ରଶ୍ନ: ମେକଅପ୍‌ ନେବା ଦ୍ୱାରା ତ୍ୱଚା ଖରାପ ହୋଇଯାଏ, ଏଥିପାଇଁ କଣ କରିବା ଉଚିତ୍?

ସମରେଶ୍‌: ଆଣ୍ଟିସେପ୍ଟିକ ମେକଅପ୍ ବ୍ୟବହାର ସହ ରାତିରେ ଘରେ ଶୋଇବା ପୂର୍ବରୁ ତ୍ୱତାର ଯତ୍ନ ନେବା ଦରକାର।

ପ୍ରଶ୍ନ: ରଙ୍ଗମଞ୍ଚରେ ମେକଅପ୍ କ’ଣ ସିନେମାଠୁ ଭିନ୍ନ?

ସମରେଶ୍‌: ପୁରା ଭିନ୍ନ, ଫିଲ୍ମରେ କ୍ୟାମେରାଠୁ ୬ ଫୁଟ୍ ଦୂରରେ ଥାଇ ମେକଅପ୍ ଦେବାକୁ ପଡେ, କିନ୍ତୁ ରଙ୍ଗମଞ୍ଚରେ ୩୦ଫୁଟ ଦୂରକୁ ଦେଖି ମେକଅପ୍‌ କରିବାକୁ ପଡେ।

ପ୍ରଶ୍ନ: ବଲିଉଡରେ ମେକଅପ୍ କରିବାକୁ ଆପଣଙ୍କର କେବେ ଇଚ୍ଛା ହୁଏନି?

ସମରେଶ୍‌: ହଁ, ଥରେ ସୁଯୋଗ ମିଳିଥିଲା କିନ୍ତୁ ସେଠାକୁ ଯାଇ ହିନ୍ଦୀ କହି ପାରିବି କି ନାହିଁ ସେ ଭୟରେ ମୁଁ ସେଠାକୁ ଯିବାକୁ କେବେ ଚେଷ୍ଟା କରିନି। କିନ୍ତୁ ଓଡିଶା ଆସିଥିବା ବଲିଉଡ କଳାକାରକୁ ମେକଅପ୍ ଦେଇଛି। ‘ଭିଗି ପଲକେ ହିନ୍ଦି ଫିଲ୍ମର କଳାକାର ରାଜ୍‌ ବବର ସ୍ମିତା ପାଟିଲଙ୍କର ମୁଁ ପର୍ସନାଲ ମେକଅପ୍ ମ୍ୟାନ ରହିଥିଲି।

ପ୍ରଶ୍ନ: ଘରେ ଆପଣଙ୍କ ପତ୍ନୀ କେବେ ତାଙ୍କର ମେକଅପ୍ କରିବାକୁ ଆପଣଙ୍କୁ କୁହନ୍ତି?

ସମରେଶ୍‌: ନାଁ, ସେ ବି ଜଣେ ହେୟାର ଷ୍ଟାଇଲିଷ୍ଟ। ବମ୍ବେରେ ତାଙ୍କ ଘର। ସେଠାରେ ସେ ହେୟାର ଷ୍ଟାଇଲିଷ୍ଟ ଥିଲେ। ମୁଁ ତାଙ୍କୁ ଓଡିଶା ନେଇଆସିଲି ଓ ଏଠାରେ ଆସି ଆମେ ପ୍ରେମ ବିବାହ କରିଥିଲୁ।

 

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।