ମୁମ୍ବାଇ: କମେଡିଆନ୍ କପିଲ୍ ଶର୍ମାଙ୍କ ସ୍ୱାସ୍ଥ୍ୟ ଆଜିକାଲି ଠିକ୍ ରହୁନି। ସୁଟିଂ ସେଟ୍ରେ ସେ ବେଳେ ବେଳେ ଅଚେତ ହୋଇଯାଉଛନ୍ତି।
ବୁଧବାର ‘ମୁବାରକ’ର ଷ୍ଟାର କାଷ୍ଟ୍ ଅନୀଲ କପୁର, ଅର୍ଜୁନ କପୁର, ଆଥିୟା ସେଟ୍ଟୀ ଓ ଇଲିୟାନା ଡିକ୍ରୁଜ୍ ପ୍ରମୁଖ ସେମାନଙ୍କ ଫିଲ୍ମର ପ୍ରମୋସନ ପାଇଁ ‘ଦ କପିଲ ଶର୍ମା ଶୋ’କୁ ଆସିଥିଲେ। କିନ୍ତୁ କପିଲ ହଠାତ୍ ଅଚେତ ହୋଇଯିବାରୁ ସୁଟିଂ ବାତିଲ କରାଯାଇଥିଲା। ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା। ୟା ପୂର୍ବରୁ ଆଉ ଏକ ଶୋ’ର ସୁଟିଂ ବେଳେ ମଧ୍ୟ ଏମିତି ଘଟିଥିଲା। ସେଦିନ ଶାହାରୁଖ ଖାନ ଓ ଅନୁଷ୍କା ଶର୍ମା ସେମାନଙ୍କ ଫିଲ୍ମ ‘ଜବ ହ୍ୟାରି ମିଟ୍ ସେଜଲ’ର ପ୍ରମୋସନ୍ କରିବାକୁ ଆସିଥିଲେ।
କପିଲ୍ ବାରମ୍ବାର ସୁଟିଂ କ୍ୟାନ୍ସେଲ୍ କରିବା ଘଟଣାକୁ ସମସ୍ତେ ଅନ୍ପ୍ରଫେସ୍ନାଲ୍ କହୁଛନ୍ତି। କିନ୍ତୁ ଅସଲ କାରଣ କିଛି ଅଲଗା। କପିଲଙ୍କ ଭଉଣୀ ପୂଜା ଦେବଗନ କହିଛନ୍ତି ଯେ ସେ ଅନ୍ପ୍ରଫେସ୍ନାଲ୍ ନୁହନ୍ତି। କିଛି ଦିନ ହେବ ତାଙ୍କ ସ୍ୱାସ୍ଥ୍ୟ ଭଲ ରହୁନି। କପିଲ ଡିପ୍ରେସନ୍ ଭଳି ରୋଗର ଶିକାର ହୋଇଛନ୍ତି।