ମୁମ୍ୱାଇ: ସୋଶାଲ ମିଡିଆରେ ବଲିଉଡ୍ ଅଭିନେତ୍ରୀ କ୍ୟାଟ୍ରିନା କୈଫ୍ଙ୍କର ଏକ ପୁରୁଣା ଫଟୋ ଭାଇରାଲ୍ ହେଉଛି। ଏହି ଫଟୋଟି ୨୦୦୫ରେ ତେଲୁଗୁ ଫିଲ୍ମ ‘ଅଲ୍ଲାରି ପିଡିଗୁ’ର ସୁଟିଂ ସେଟ୍ରେ ଉଠାଯାଇଛି। କ୍ୟାଟ୍ରିନାଙ୍କ ଏକ ଫ୍ୟାନ୍ କ୍ଲବ୍ କ୍ୟାଟ୍ରିନାଙ୍କୁ ଡେଡିକେଟ୍ କରି ଫଟୋଟିକୁ ଟ୍ୱିଟର୍ରେ ଶେୟାର୍ କରିଛନ୍ତି।
ଏହି ଫଟୋରେ କ୍ୟାଟ୍ରିନାଙ୍କୁ ଖୁସି ଥିବା ଦେଖିବାକୁ ମିଳିଛି। ସେ ଏକ ପିଙ୍କ୍ କଲର୍ର ଡ୍ରେସ୍ ପିନ୍ଧିଛନ୍ତି। କ୍ୟାଟ୍ରିନାଙ୍କର ଏହି ପୁରୁଣା ଫଟୋଟି ଶେଆର୍ ହେବା ପରେ ତାଙ୍କର ଫ୍ୟାନ୍ସମାନେ ଏହାକୁ ପସନ୍ଦ କରିବା ସହ ‘କ୍ୟୁଟ୍’ ଓ ‘ସୋ ଆଡୋରେବଲ୍’ ପରି କମେଣ୍ଟ ଦେବାରେ ଲାଗିଛନ୍ତି।
https://twitter.com/KatrinaKaifFB/status/1159751152692543488
୨୦୦୩ରେ କୈଜାଦ୍ ଗୁସ୍ତାଦଙ୍କ ଫିଲ୍ମ ‘ବୁମ୍’ ଜରିଆରେ କ୍ୟାଟ୍ରିନା ମନୋରଞ୍ଜନ ଦୁନିଆରେ ପ୍ରବେଶ କରିଥିଲେ। ଅନେକ ଆଞ୍ଚଳିକ ଫିଲ୍ମରେ ଅଭିନୟ କରିବା ପରେ କ୍ୟାଟ୍ରିନା ବଲିଉଡ୍ରେ ପ୍ରବେଶ କରିଥିଲେ। ଡେଭିଡ୍ ଧାବନ୍ଙ୍କ ଫିଲ୍ମ ‘ମୈନେ ପ୍ୟାର୍ କ୍ୟୁଁଉ କିଆ’? ହେଉଛି କ୍ୟାଟ୍ରିନାଙ୍କର ପ୍ରଥମ ବଲିଉଡ୍ ଫିଲ୍ମ। ଏଥିରେ ତାଙ୍କ ସହିତ ସଲମାନ୍ ଖାନ୍, ସୋହେଲ୍ ଖାନ୍ ଓ ସୁସ୍ମିତା ସେନ୍ ଅଭିନୟ କରିଥିଲେ। ଏହାପରେ କ୍ୟାଟ୍ରିନାଙ୍କୁ ‘ହମ୍କୋ ଦିୱାନା କର୍ ଗୟେ’, ‘ନମସ୍ତେ ଲଣ୍ଡନ୍’, ‘ୱେଲକମ୍’, ‘ପାର୍ଟନର୍’, ‘ରେସ୍’ ଓ ‘ସିଙ୍ଗ୍ ଇଜ୍ କିଙ୍ଗ୍’ ପରି ଫିଲ୍ମରେ ଦେଖିବାକୁ ମିଳିଥିଲା।
ନିକଟରେ କ୍ୟାଟ୍ରିନାଙ୍କ ଅଭିନୀତ ଫିଲ୍ମ ‘ଭାରତ’ ରିଲିଜ୍ ହୋଇଛି। ବର୍ତ୍ତମାନ ସେ ରୋହିତ ସେଟ୍ଟିଙ୍କ ପିଲ୍ମ ‘ସୂର୍ଯ୍ୟବଂଶୀ’ର ଶୁଟିଂରେ ବ୍ୟସ୍ତ ଅଛନ୍ତି। ଏଥିରେ ତାଙ୍କର କୋ-ଷ୍ଟାର୍ ହେଉଛନ୍ତି ଅକ୍ଷୟ କୁମାର।